Prokýratýra «Qazaq entsiklopediiasy» JShS-niń 100 paiyz úlesin burynǵy Mádeniet jáne sport ministri Arystanbek Muhamediulymen bailanysty kompaniianyń zańsyz ieliginen memleketke qaitardy, dep habarlaidy ult.kz.
Almaty qalasy prokýratýrasynyń málimetinshe, 2015 jyly «Qazaq entsiklopediiasy» JShS-niń barlyq úlesi men onyń negizgi aktivteri zańsyz túrde jekeshelendirilgen. Áńgime Almaty qalasynyń Áýezov aýdanynda ornalasqan, jer aýmaǵy 2 108,3 sharshy metr bolatyn ǵimarat pen jer telimi týraly bolyp otyr.
Memlekettiń múliktik múddelerin qorǵaý maqsatynda Áýezov aýdanynyń prokýratýrasy jekeshelendirý týraly shartty jáne odan keiin jasalǵan mámilelerdi jaramsyz dep taný týraly sotqa talap-aryz bergen.
Isti qaraǵan kassatsiialyq sot prokýratýranyń talaptaryn tolyq kólemde qanaǵattandyrdy. Sot sheshimine sáikes, naryqtyq quny 1,3 milliard teńgeni quraityn aktiv memleket menshigine qaitarylýy tiis.
Prokýratýra bul sheshim memlekettik múlikti zańsyz ielikten shyǵarýǵa qarsy júrgizilip jatqan jumystardyń nátijesi ekenin atap ótti.
