پروكۋراتۋرا «قازاق ەنتسيكلوپەديياسى» جشس-نٸڭ 100 پايىز ٷلەسٸن بۇرىنعى مەدەنيەت جەنە سپورت مينيسترٸ ارىستانبەك مۇحامەديۇلىمەن بايلانىستى كومپانييانىڭ زاڭسىز يەلٸگٸنەن مەملەكەتكە قايتاردى, دەپ حابارلايدى ult.kz.
الماتى قالاسى پروكۋراتۋراسىنىڭ مەلٸمەتٸنشە, 2015 جىلى «قازاق ەنتسيكلوپەديياسى» جشس-نٸڭ بارلىق ٷلەسٸ مەن ونىڭ نەگٸزگٸ اكتيۆتەرٸ زاڭسىز تٷردە جەكەشەلەندٸرٸلگەن. ەڭگٸمە الماتى قالاسىنىڭ ەۋەزوۆ اۋدانىندا ورنالاسقان, جەر اۋماعى 2 108,3 شارشى مەتر بولاتىن عيمارات پەن جەر تەلٸمٸ تۋرالى بولىپ وتىر.
مەملەكەتتٸڭ مٷلٸكتٸك مٷددەلەرٸن قورعاۋ ماقساتىندا ەۋەزوۆ اۋدانىنىڭ پروكۋراتۋراسى جەكەشەلەندٸرۋ تۋرالى شارتتى جەنە ودان كەيٸن جاسالعان مەمٸلەلەردٸ جارامسىز دەپ تانۋ تۋرالى سوتقا تالاپ-ارىز بەرگەن.
ٸستٸ قاراعان كاسساتسييالىق سوت پروكۋراتۋرانىڭ تالاپتارىن تولىق كٶلەمدە قاناعاتتاندىردى. سوت شەشٸمٸنە سەيكەس, نارىقتىق قۇنى 1,3 ميلليارد تەڭگەنٸ قۇرايتىن اكتيۆ مەملەكەت مەنشٸگٸنە قايتارىلۋى تيٸس.
پروكۋراتۋرا بۇل شەشٸم مەملەكەتتٸك مٷلٸكتٸ زاڭسىز يەلٸكتەن شىعارۋعا قارسى جٷرگٸزٸلٸپ جاتقان جۇمىستاردىڭ نەتيجەسٸ ەكەنٸن اتاپ ٶتتٸ.
