QR Mádeniet jáne sport ministri Arystanbek Muhamediuly álemge áigili ánshi Riannanyń Astanada óner kórsetýine qatysty pikir bildirdi, - dep habarlaidy kaz.tengrinews.kz.
"Riannanyń kontsertin biz uiymdastyrmaimyz. Bizdiń saitta (ministrliktiń saitynda) ol týraly jazylmaǵan. Biz Dimash Qudaibergen, Qanat Islam, La Skala, Plasido Domingo jáne taǵy da basqalardyń keshterin uiymdastyramyz", - dedi ministr.
Sondai-aq, jýrnalister endeshe Riannanyń Astanaǵa keletini jaily málimettiń qalaisha Mádeniet jáne sport ministrliginiń saitynda paida bolǵany jaily suraq qoidy.
"Bul tehnikalyq qatelik shyǵar. Bulai bolýy múmkin emes. Men sizderge shyn aityp otyrmyn, men bul máselemen ózim ainalysyp júrmin. Riannanyń bizge ne qajeti bar? (...) Ministrlik EXPO aiasynda júrgiziletin baǵdarlamalardy bekitti. Biz baǵdarlamalardyń barlyǵyn biriktiremiz. Múmkin sol jerde kórip qalǵan shyǵarsyzdar", - dedi Muhamediuly.
Al munyń rasynda da tehnikalyq qatelik bolǵany jaily suraqqa ministr bylai dep jaýap berdi: "Biz EXPO kórmesiniń aiasynda ótetin baǵdarlamalardy biriktirdik. Onda Rianna da bar shyǵar. Biraq onyń kontsertin (Riannanyń - avtor.) Mádeniet ministrligi ótkizbeidi", - dedi ministr jýrnalisterdiń suraqtaryna jaýap bere otyryp.
Eske sala keteiik, osyǵan deiin Riannanyń Astanada qashan óner kórsetetini jaily habarlanǵan bolatyn. Bul týraly EXPO kórmeciniń resmi saitynda jazylǵan bolatyn.
