قر مەدەنيەت جەنە سپورت مينيسترٸ ارىستانبەك مۇحامەديۇلى ەلەمگە ەيگٸلٸ ەنشٸ رياننانىڭ استانادا ٶنەر كٶرسەتۋٸنە قاتىستى پٸكٸر بٸلدٸردٸ, - دەپ حابارلايدى kaz.tengrinews.kz.
"رياننانىڭ كونتسەرتٸن بٸز ۇيىمداستىرمايمىز. بٸزدٸڭ سايتتا (مينيسترلٸكتٸڭ سايتىندا) ول تۋرالى جازىلماعان. بٸز ديماش قۇدايبەرگەن, قانات يسلام, لا سكالا, پلاسيدو دومينگو جەنە تاعى دا باسقالاردىڭ كەشتەرٸن ۇيىمداستىرامىز", - دەدٸ مينيستر.
سونداي-اق, جۋرناليستەر ەندەشە رياننانىڭ استاناعا كەلەتٸنٸ جايلى مەلٸمەتتٸڭ قالايشا مەدەنيەت جەنە سپورت مينيسترلٸگٸنٸڭ سايتىندا پايدا بولعانى جايلى سۇراق قويدى.
"بۇل تەحنيكالىق قاتەلٸك شىعار. بۇلاي بولۋى مٷمكٸن ەمەس. مەن سٸزدەرگە شىن ايتىپ وتىرمىن, مەن بۇل مەسەلەمەن ٶزٸم اينالىسىپ جٷرمٸن. رياننانىڭ بٸزگە نە قاجەتٸ بار? (...) مينيسترلٸك EXPO اياسىندا جٷرگٸزٸلەتٸن باعدارلامالاردى بەكٸتتٸ. بٸز باعدارلامالاردىڭ بارلىعىن بٸرٸكتٸرەمٸز. مٷمكٸن سول جەردە كٶرٸپ قالعان شىعارسىزدار", - دەدٸ مۇحامەديۇلى.
ال مۇنىڭ راسىندا دا تەحنيكالىق قاتەلٸك بولعانى جايلى سۇراققا مينيستر بىلاي دەپ جاۋاپ بەردٸ: "بٸز EXPO كٶرمەسٸنٸڭ اياسىندا ٶتەتٸن باعدارلامالاردى بٸرٸكتٸردٸك. وندا رياننا دا بار شىعار. بٸراق ونىڭ كونتسەرتٸن (رياننانىڭ - اۆتور.) مەدەنيەت مينيسترلٸگٸ ٶتكٸزبەيدٸ", - دەدٸ مينيستر جۋرناليستەردٸڭ سۇراقتارىنا جاۋاپ بەرە وتىرىپ.
ەسكە سالا كەتەيٸك, وسىعان دەيٸن رياننانىڭ استانادا قاشان ٶنەر كٶرسەتەتٸنٸ جايلى حابارلانعان بولاتىن. بۇل تۋرالى EXPO كٶرمەcٸنٸڭ رەسمي سايتىندا جازىلعان بولاتىن.
