Foto: ©️ Tengrinews.kz
Burynǵy mádeniet jáne sport ministri, Ulttyq mýzeidiń eks-direktory Arystanbek Muhamediuly taǵy da sot aldyna keldi. Bul joly burynǵy sheneýnik reiderlik shabýyl jasady dep aiyptalyp otyr, - dep habarlaidy Tengrinews.kz saity.
Aiyptaýshy taraptyń aitýynsha, 2020 jyly Muhamediulynan qarjylai kómek surap, Astanadaǵy "Diplomat" qonaqúi keshenine ielik etetin kásipker K.-nyń tanysy júgingen. Muhamediuly kásipkerge 2,5 milliard teńge berýge kelisken, biraq onyń ornyna odan JShS jarǵylyq kapitalynyń 71 paiyzyn enesine aýdarýdy suraǵan. Tergeý sol kezde sheneýnikte qonaqúidi qolyna alý jospary qalyptasqan dep esepteidi.
Mámile jasalǵannan keiin sheneýnik qonaqúige júieli túrde kele bastaǵan, ony qyzmetkerlerge ortaq ielerdiń biri retinde tanystyrǵan. Aiyptaýshy taraptyń aitýynsha, artynsha Muhamediuly K.-dan qalǵan 29 paiyzdan bas tartýdy talap etken, biraq iesi qarsylyq bildirgen. Budan keiin sheneýnik "Diplomat" qyzmetkerlerine JShS direktoryn qonaqúige kirgizbeý týraly buiryq beredi. Odan soń seriktestikke qatysýshylardyń jalpy jinalysynyń hattamalary burmalanyp, onda seriktestik direktory Muhamediuly úlestes tulǵamen aýystyrylǵan.
Eks-ministr taǵylǵan aiyppen kelispei, sóz sóilep, jábirlenýshini saiasatker Mark Iýnii Brýtpen, al ózin, opasyzdyq jasalǵan Gai Iýlii Tsezarmen salystyrdy.
"Rim imperiiasynyń tarihynan adamzat tarihynda satqyndyq pen aramdyqtyń simvoly retinde qalǵan Mark Iýnii Brýttyń áreketin jaqsy bilemiz. Al Gai Iýlii Tsezar Brýttyń aramdyǵyna qaramastan, tarihta jasampaz jáne naqyl sózder avtory retinde qaldy: "Al sen - Brýtsyń", - dedi Muhamediuly.
Bul rette sýdia Ábinur Qarabaev, Muhamediulynyń aitýynsha, tarihta Gerakl retinde qalady.
"Avgii patshanyń qorasyn kóńnen tazartqan ejelgi batyr Gerakl siiaqty, siz de, osy sot isin aramdyq pen ótirikten aryltasyz dep senemin", - dedi Muhamediuly sýdiaǵa.
