Arystaǵy jarylysqa bailanysty qylmystyq is qozǵaldy, dep habarlaidy QazAqparat.
«Atalmysh fakti boiynsha «qorshaǵan ortaǵa qaýipti sanalatyn qarýlardy, zattardy ustaý erejelerin buzý» baby boiynsha qylmystyq is qozǵaldy. Qazirgi ýaqytta oqiǵa ornynda jedel tergeý toby jumys júrgizýde. Jumys jalǵasýda. Osy ýaqytqa deiin qoimalarda jarylys faktileri áli de bolyp jatqandyqtan, qoimadaǵy órtti sóndirý jumysy toqtap tur» dedi Erlan Turǵymbaev búgingi Úkimet otyrysyndaǵy baiandamasynda.
Eske sala ketsek, Arys qalasyndaǵy áskeri bólimniń qoimasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy. Túrkistan oblysyna arnaiy barǵan Qazaqstan Prezidenti Qasym-Jomart Toqaev Arystaǵy áskeri bólimshedegi oq-dári qoimasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.
