ارىستاعى جارىلىسقا بايلانىستى قىلمىستىق ٸس قوزعالدى, دەپ حابارلايدى قازاقپارات.
«اتالمىش فاكتٸ بويىنشا «قورشاعان ورتاعا قاۋٸپتٸ سانالاتىن قارۋلاردى, زاتتاردى ۇستاۋ ەرەجەلەرٸن بۇزۋ» بابى بويىنشا قىلمىستىق ٸس قوزعالدى. قازٸرگٸ ۋاقىتتا وقيعا ورنىندا جەدەل تەرگەۋ توبى جۇمىس جٷرگٸزۋدە. جۇمىس جالعاسۋدا. وسى ۋاقىتقا دەيٸن قويمالاردا جارىلىس فاكتٸلەرٸ ەلٸ دە بولىپ جاتقاندىقتان, قويماداعى ٶرتتٸ سٶندٸرۋ جۇمىسى توقتاپ تۇر» دەدٸ ەرلان تۇرعىمباەۆ بٷگٸنگٸ ٷكٸمەت وتىرىسىنداعى بايانداماسىندا.
ەسكە سالا كەتسەك, ارىس قالاسىنداعى ەسكەري بٶلٸمنٸڭ قويماسىندا كەشە تاڭەرتەڭ جارىلىس بولعاندىعى تۋرالى حابارلاعان بولاتىنبىز. اپات سالدارىنان ەكٸ ادام مەرت بولدى. تٷركٸستان وبلىسىنا ارنايى بارعان قازاقستان پرەزيدەنتٸ قاسىم-جومارت توقاەۆ ارىستاعى ەسكەري بٶلٸمشەدەگٸ وق-دەرٸ قويماسىنداعى جارىلىستان زارداپ شەككەن قالا تۇرعىندارىمەن كەزدەسٸپ, قالانىڭ قالپىنا كەلتٸرٸلەتٸنٸنە ۋەدە بەردٸ.
