Bul týraly Arystaǵy arnaiy shtabtan tikelei efirde qosylǵan Túrkistan oblysynyń ákimi Ómirzaq Shókeev habarlady.
«Búgin 25 maýsym kúni saǵat 11.00 jaǵdai boiynsha Arys qalasyndaǵy tótenshe jaǵdai jalǵasýda. Búginde birshama turaqtaldy. Áskeri bólim aýmaǵynda órt jalǵasýda, jarylystar qaýpi bar. Sondyqtan qala túgelimen politseiler men áskerilerdiń kúzetine alyndy. Blok posttar jumys isteýde. Qalaǵa qaityp kelemiz dep jatqandar bar, olarǵa aitarymyz qalaǵa ázir kirýge bolmaidy», - dedi Túrkistan oblysynyń ákimi Ómirzaq Shókeev tikelei efirde.
Aimaq basshysynyń aitýynsha, tótenshe jaǵdaidy joiý úshin TJ jelesi boiynsha jeke quramnyń 363 adamy men 40 tehnika jumys isteýde.
«Turǵyn úilerdiń barlyǵynyń terezesi synyp ketken, al 88%-niń shatyry qulaǵan. Búginde Qorǵanys ministrliginiń jeke quramynyń 1800 adamy men 50 dana tehnika qalany patrýldep júr. Arys qalasyndaǵy barlyq áleýmettik nysandar bolsyn, turǵyn úiler bolsyn barlyǵyn qarap, shyǵyn kólemin esepteýdemiz. QR Úkimeti jiberetin komissiiasynyń kelgenine daiyndalamyz», - dedi ol.
Sóz sońynda, Ómirzaq Shókeev «Bógen» sý qoimasynan tónip turǵan qaýip joq, dep basa aitty.
«70 adam jaraqat alsa, 2 adam qaitys boldy. Barlyq shtabtardyń jumysy men barlyq organdardyń jumysy tótenshe jaǵdai tolyǵymen joiylmaiynsha jalǵasatyn bolady», - dedi Shókeev.
