Bul týraly Arystaǵy arnaiy shtabtan tikelei efirde qosylǵan QR qorǵanys ministri Nurlan Ermekbaev habarlady.
«Búginde qaladaǵy úsh qoimanyń ekeýindegi órt sóndirildi. Bir qoima áli tútindep jatyr. Jarylys qaýpi saqtalýda. Saperler toby túrli aýmaqtarda jumys isteýde. Olyrdyń aldyna eki mindet qoiyldy. Birinshisi qala turǵyndaryn erterek úilerine qaitarý jáne temir jol qozǵalysyn iske qosý», - dedi qorǵanys ministri.
Budan basqa, vedomstvo basshysy qala kóshelerinde snariadtardyń álide tabylyp jatqany týraly aitty.
«Arys qalasynyń kósheleriniń birinde jarylmaǵan birneshe snariad tabyldy. Osy rette qala turǵyndarynan úilerine qaitýǵa asyqpaýlaryn suraimyn. Halyqaralyq tájiribege súienetin bolsaq qarý jaraq qoimasynyń aýmaǵyna tótenshe jaǵdai tolyǵymen joiylmaiynsha kirýge bolmaidy. Alaida búginnen bastap áskeriler arnaiy brondalǵan tehnikamen kirip, aýmaqta injenerlik tazalaý jumystaryn bastaidy. Drondar ushyrylyp, qalany jáne oǵan jaqyn aimaqtardy barlaý jumystaryna tartylýda. Búginde saperler quramyn kúsheitetin bolamyz, múmkin olardyń sany 400-ge jetkizetin shyǵarmyz», - dedi Ermekbaev.
Buǵan deiin Túrkistan oblysynyń ákimi Ómirzaq Shókeev qalaǵa áli qaitýǵa bolmaityny týraly aitqan bolatyn.
