Arys qalasynda qoǵamdyq tártipti kúzetý jáne turǵyndardy evakýatsiialaýǵa kómek kórsetý maqsatynda Ulttyq ulannyń 6506 áskeri bóliminen 500 áskeri qyzmetshi jáne 30-dan astam tehnika jóneltildi, – dep habarlaidy QazAqparat.
Bul týraly Qazaqstan Respýblikasy Ulttyq ulany «Ońtústik» óńirlik qolbasshylyǵynyń baspasóz qyzmeti habarlaǵan. «Oqiǵa bolǵan orynda Ulttyq ulannyń is-áreketin Qazaqstan Respýblikasy Ulttyq ulany «Ońtústik» óńirlik qolbasshylyǵy qolbasshysynyń birinshi orynbasary - shtaby bastyǵy Andrei Kaskelenov úilestiredi» dedi baspasóz qyzmetinen.
Eske salsaq, Arys qalasyndaǵy áskeri bólimniń qoimasynda jarylys bolǵandyǵy týraly habarlaǵan bolatynbyz. QR Qorǵanys ministrligi Arystaǵy jarylystan zardap shekkender joq ekendigin jariialady. Al QR Prezidenti Qasym-Jomart Toqaev tiisti organdarǵa Arystaǵy áskeri bólimdegi oq-dári qoimasynda bolǵan jarylystyń zardaptaryn joiý týraly tapsyrma berdi.
