Arys qalasyndaǵy apat saldarynan evakýatsiialanǵan 1149 bala ata-anasymen qaýyshty. 15 bala týys-týǵandaryna ázirge tapsyrylǵan joq. QR Bilim jáne ǵylym ministrligi 25 maýsym, tańerteńgi ýaqyttaǵy jaǵdaiy boiynsha osyndai málimet taratty, dep habarlaidy "Ult aqparat".
Túrkistan oblysyndaǵy tótenshe jaǵdai boiynsha oblystyq shtab qurylyp, turǵyndardy basqa jerlerge ornalastyratyn 48 ortalyq ashyldy. Jalpy, Arys qalasy men aýyldarda 40 mektep (18399 bala), 50 mektepke deiingi uiymdar jumys atqarady (5071 bala). Qaýipti aimaqta 13 mektep (11377 bala), 6 memlekettik, 23 jekemenshik balabaqsha (3278 bala) ornalasqan. Olardaǵy balalardyń barlyǵy qaýipsiz jerlerge kóshirildi», - delingen ministrlik aqparatynda.
Alty aýdanda (Shymkent, Túrkistan qalalary, Saryaǵash, Qazyǵurt, Ordabasy, Shardara, Otyrar aýdany) orta mektep, kolledj, balabaqsha, mektep-internattarǵa evakýatsiialanǵan azamattarǵa barlyq jaǵdai jasalǵan. Turǵyndar aýyz sýmen, ystyq tamaqpen, tósek oryndarymen, kiim-keshekpen jáne jeke gigienalyq zattarmen qamtamasyz etildi.
«Barlyq 48 ortalyqqa jalpy sany 3860 adam, onyń ishinde, 0-men 18 jas aralyǵyndaǵy 914 bala jetkizildi. Búgingi aqparat boiynsha, 1149 bala ata-analarymen qaýyshty. 15 bala ázirge ata-anasyna berilgen joq. Ár ortalyqta pedagog-psihologtar jumys jasap jatyr. Barlyǵy 158 pedagog-psiholog tartyldy. Shtab jumysyn táýlik boiy atqaryp jatyr. Osy baǵytta jumystar áli de jalǵasady», - dedi vedomstvodan.
