1-jeltoqsan Tuńǵysh Prezident kúnine orai, búldirshinderge arnalyp Arys qalasynda 100 oryndyq «Orazaly ata» jáne Baiyrqum aýyldyq okrýginde 75 oryndyq jekemenshik memlekettik áriptestik aiasynda «Samuryq» balabaqshalary paidalanýǵa berildi, dep habarlaidy "Ult aqparat" aimaq basshysynyń baspasóz qyzmetine silteme jasap.
Ashylý saltanatynda sóz alǵan qala basshysy Murat Bolatuly barsha turǵyndardy merekemen quttyqtap, bala tárbiesi - el ómirinde eń mańyzdy oryn alatynyn atap ótti.
«Bolashaǵynan úmit kúttirer búldirshinderimizdiń altyn uiasynyń ashylý qurmetine qatysyp otyrǵan barshańyzǵa myqty densaýlyq, otbasylyq baqyt, baiandy ǵumyr, qajymas qairat, kúsh qýat, yrys – nesibe, molshylyq tileimin» - dep ystyq lebizin bildirdi.
Táýelsiz elimizdiń úkilegen úmiti-jas urpaqty tárbieleýde birinshi besik-otbasy, ata-ana tárbiesi bolsa, ekinshi besik-bilim berý mekemesi. Mektepke deiingi kezeńdegi tárbie-adam qalyptasýynyń alǵashqy baspaldaǵy sanalyp qana qoimai, ári jan-jaqty tárbie men damytý isiniń túpki negizin qalaityn oryn sanalady.
Osyǵan sáikes, Memleket basshysy elimizdiń eń kishkentai azamattaryna jasaǵan airyqsha qamqorlyǵy «Balapan» baǵdarlamasy júzege asyrylýda. Bul baǵdarlamanyń negizgi maqsaty balalardy mektepke deiingi tárbiemen qamtýdy ulǵaitý bolyp sanalady.
Atalǵan baǵdarlama aiasynda qalada búgingi tańda 46 mektepke deiingi uiym jumys atqaryp keledi. Onda 3850 bala tárbielenýde, iaǵni 80,1 paiyzdy qurap otyr, sonyń ishinde memlekettik jekemenshik áriptestikti damytý maqsatynda Arysta 23 jekemenshik balabaqsha, 10 memlekettik, 13 mektep janynan ashylǵan balabaqsha jumys jasaýda.
