1-جەلتوقسان تۇڭعىش پرەزيدەنت كٷنٸنە وراي, بٷلدٸرشٸندەرگە ارنالىپ ارىس قالاسىندا 100 ورىندىق «ورازالى اتا» جەنە بايىرقۇم اۋىلدىق وكرۋگٸندە 75 ورىندىق جەكەمەنشٸك مەملەكەتتٸك ەرٸپتەستٸك اياسىندا «سامۇرىق» بالاباقشالارى پايدالانۋعا بەرٸلدٸ, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
اشىلۋ سالتاناتىندا سٶز العان قالا باسشىسى مۇرات بولاتۇلى بارشا تۇرعىنداردى مەرەكەمەن قۇتتىقتاپ, بالا تەربيەسٸ - ەل ٶمٸرٸندە ەڭ ماڭىزدى ورىن الاتىنىن اتاپ ٶتتٸ.
«بولاشاعىنان ٷمٸت كٷتتٸرەر بٷلدٸرشٸندەرٸمٸزدٸڭ التىن ۇياسىنىڭ اشىلۋ قۇرمەتٸنە قاتىسىپ وتىرعان بارشاڭىزعا مىقتى دەنساۋلىق, وتباسىلىق باقىت, باياندى عۇمىر, قاجىماس قايرات, كٷش قۋات, ىرىس – نەسٸبە, مولشىلىق تٸلەيمٸن» - دەپ ىستىق لەبٸزٸن بٸلدٸردٸ.
تەۋەلسٸز ەلٸمٸزدٸڭ ٷكٸلەگەن ٷمٸتٸ-جاس ۇرپاقتى تەربيەلەۋدە بٸرٸنشٸ بەسٸك-وتباسى, اتا-انا تەربيەسٸ بولسا, ەكٸنشٸ بەسٸك-بٸلٸم بەرۋ مەكەمەسٸ. مەكتەپكە دەيٸنگٸ كەزەڭدەگٸ تەربيە-ادام قالىپتاسۋىنىڭ العاشقى باسپالداعى سانالىپ قانا قويماي, ەرٸ جان-جاقتى تەربيە مەن دامىتۋ ٸسٸنٸڭ تٷپكٸ نەگٸزٸن قالايتىن ورىن سانالادى.
وسىعان سەيكەس, مەملەكەت باسشىسى ەلٸمٸزدٸڭ ەڭ كٸشكەنتاي ازاماتتارىنا جاساعان ايرىقشا قامقورلىعى «بالاپان» باعدارلاماسى جٷزەگە اسىرىلۋدا. بۇل باعدارلامانىڭ نەگٸزگٸ ماقساتى بالالاردى مەكتەپكە دەيٸنگٸ تەربيەمەن قامتۋدى ۇلعايتۋ بولىپ سانالادى.
اتالعان باعدارلاما اياسىندا قالادا بٷگٸنگٸ تاڭدا 46 مەكتەپكە دەيٸنگٸ ۇيىم جۇمىس اتقارىپ كەلەدٸ. وندا 3850 بالا تەربيەلەنۋدە, ياعني 80,1 پايىزدى قۇراپ وتىر, سونىڭ ٸشٸندە مەملەكەتتٸك جەكەمەنشٸك ەرٸپتەستٸكتٸ دامىتۋ ماقساتىندا ارىستا 23 جەكەمەنشٸك بالاباقشا, 10 مەملەكەتتٸك, 13 مەكتەپ جانىنان اشىلعان بالاباقشا جۇمىس جاساۋدا.
