Arysta 70 balaǵa arnalǵan jekemenshik mektep ashyldy, dep habarlaidy «Ult aqparat» oblys ákimdiginiń baspasóz qyzmetine silteme jasap.
Qala ortalyǵynda ornalasqan jańa oqý ordasynda 1-4 synyp oqýshylaryna aǵylshyn tili men orys tili jáne informatika pánderi tereńdetilip oqytylady.
Bastaýysh synyp oqýshylaryna arnalǵan «Bolashaq» mektebiniń saltanatty ashylýyna qala basshysy Gúljan Qurmanbekova men qalalyq adami áleýetti damytý bóliminiń jaýapty mamandary, ata-analar men ustazdar qatysty.
«Qalamyzda ashylyp otyrǵan jańa mektebimiz – balanyń jan-jaqty damyp, oi-órisiniń keńeiýine jol ashady. Ul-qyzdarymyz sapaly bilim alýy úshin olarǵa meilinshe qolaily jaǵdai jasaý baǵytynda jumystarymyz áli de jalǵasyn tabatyn bolady. Bilim berý isine belsendi atsalysyp jatqan kásipkerlerimiz ben salanyń jaýapty mamandaryna alǵysymdy bildiremin», – dedi qala ákimi Gúljan Mamytqyzy.
Zamanaýi jabdyqtarmen qamtamasyz etilgen mektepte bastaýysh synyp oqýshylaryna arnalǵan 5 kabinet pen akt zaly jáne ashana bar. Jańa oqý ordasynyń ereksheligi sol – munda balalar bir ǵana aýysymmen oqidy, al bir synypta bilim alýshylar sany 15-ten aspaidy.
Shara aiasynda bilim ordasynyń negizin qalaǵan Dariǵa Qajymuqanqyzy kópshilikke jáne ata-analarǵa bilikti de bilimdi mamandardan quralǵan ujymdy tanystyryp, munda balalardyń jan-jaqt bilim alýyna barlyq jaǵdaidyń jasalǵanyn aitty.
