Túrkistan oblysynyń politseileri karantin kezinde 150 adamdy jinap úilený toiyn jasaǵan turǵyndy anyqtady, dep habarlaidy "Ult aqparat".
Barshaǵa belgili, indet jailaǵaly beri karantin rejimi ár aimaqqa taralý qaýipine bailanysty engizilip, qadaǵalaý jumystary qolǵa alynǵan.
Ásirese jaz maýsymynda súndet toi, úilený toi, betashar sekildi jiyndardyń qarqyn alatyn kezi.
Sondyqtan osyndai ýaqyttarda indettiń turǵyndar arasynda taralmaýy qatań qadaǵalanýy tiis.
Osy maqsatta mobildi top músheleriniń kúndiz-túni toihanalardy tekserip, reidtik sharalardy atqaryp jatqany bar.
Osyndai jumystyń nátijesinde Túrkistan oblysy Arys qalasynda kezekti ret toi anyqtaldy.
Iaǵni keshki ýaqytta quramynda politsiia qyzmetkerleri bar mobildik top ortalyqtaǵy toihanalardyń birinde 150 adamǵa dastarhan jaiylyp, endi bastalyp jatqan toidy toqtatty.
Uiymdastyrylǵan úilený toiynyń iesine aityp, basqa da qonaqtardyń toihanaǵa kelmeýi habarlandy.
Sonymen qatar zań talaptary boiynsha toihana iesi men toihana ákimshisine qatysty QR ÁQBtK 425-baby boiynsha is-qujattar jinaqtaldy.
Iaǵni, zańdy shara qabyldaý úshin qujattar tiisti basqarmaǵa usynyldy.
Arystyq tártip saqshylarynyń aitýynsha karantin talaptary engizilgennen beri aýmaqta toi-jiyn uiymdastyrýshylar sany azaiǵan.
Dese de, tártip saqshylary tarapynan indet joiylyp, shekteý sharalary alynǵansha qoǵamdyq tártip pen qaýipsizdik qadaǵalanyp, reid kúsheitilgen túrde atqaryla bermek.
