تٷركٸستان وبلىسىنىڭ پوليتسەيلەرٸ كارانتين كەزٸندە 150 ادامدى جيناپ ٷيلەنۋ تويىن جاساعان تۇرعىندى انىقتادى, دەپ حابارلايدى "ۇلت اقپارات".
بارشاعا بەلگٸلٸ, ٸندەت جايلاعالى بەرٸ كارانتين رەجيمٸ ەر ايماققا تارالۋ قاۋٸپٸنە بايلانىستى ەنگٸزٸلٸپ, قاداعالاۋ جۇمىستارى قولعا الىنعان.
ەسٸرەسە جاز ماۋسىمىندا سٷندەت توي, ٷيلەنۋ توي, بەتاشار سەكٸلدٸ جيىنداردىڭ قارقىن الاتىن كەزٸ.
سوندىقتان وسىنداي ۋاقىتتاردا ٸندەتتٸڭ تۇرعىندار اراسىندا تارالماۋى قاتاڭ قاداعالانۋى تيٸس.
وسى ماقساتتا موبيلدٸ توپ مٷشەلەرٸنٸڭ كٷندٸز-تٷنٸ تويحانالاردى تەكسەرٸپ, رەيدتٸك شارالاردى اتقارىپ جاتقانى بار.
وسىنداي جۇمىستىڭ نەتيجەسٸندە تٷركٸستان وبلىسى ارىس قالاسىندا كەزەكتٸ رەت توي انىقتالدى.
ياعني كەشكٸ ۋاقىتتا قۇرامىندا پوليتسييا قىزمەتكەرلەرٸ بار موبيلدٸك توپ ورتالىقتاعى تويحانالاردىڭ بٸرٸندە 150 ادامعا داستارحان جايىلىپ, ەندٸ باستالىپ جاتقان تويدى توقتاتتى.
ۇيىمداستىرىلعان ٷيلەنۋ تويىنىڭ يەسٸنە ايتىپ, باسقا دا قوناقتاردىڭ تويحاناعا كەلمەۋٸ حابارلاندى.
سونىمەن قاتار زاڭ تالاپتارى بويىنشا تويحانا يەسٸ مەن تويحانا ەكٸمشٸسٸنە قاتىستى قر ەقبتك 425-بابى بويىنشا ٸس-قۇجاتتار جيناقتالدى.
ياعني, زاڭدى شارا قابىلداۋ ٷشٸن قۇجاتتار تيٸستٸ باسقارماعا ۇسىنىلدى.
ارىستىق تەرتٸپ ساقشىلارىنىڭ ايتۋىنشا كارانتين تالاپتارى ەنگٸزٸلگەننەن بەرٸ اۋماقتا توي-جيىن ۇيىمداستىرۋشىلار سانى ازايعان.
دەسە دە, تەرتٸپ ساقشىلارى تاراپىنان ٸندەت جويىلىپ, شەكتەۋ شارالارى الىنعانشا قوعامدىق تەرتٸپ پەن قاۋٸپسٸزدٸك قاداعالانىپ, رەيد كٷشەيتٸلگەن تٷردە اتقارىلا بەرمەك.
