Foto: inbusiness.kz
Túrkistan oblysynyń politseileri Arys aýdanyndaǵy kámeletke tolmaǵan qyzǵa qatysty quqyqqa qaishy áreketter deregi boiynsha sotaldy tergeý amaldaryn júrgizip jatyr, - dep habarlaidy "Ult aqparat" IIM baspasóz qyzmetine silteme jasap.
21 mamyrda Arys APB-ǵa jergilikti turǵynnan habarlama kelip túsken.
"Aryz negizinde politseiler jedel-izdestirý is-sharalaryn júrgizip, nátijesinde kúdiktini "izin sýytpai" sol saǵatta ustady. Ol Arys qalasynyń turǵyny bolyp shyqty", - delingen habarlamada.
Bul fakt QR QK-niń 121-baby 4-bóligi "Seksýaldyq sipattaǵy zorlyq-zombylyq áreketteri" boiynsha tirkelgen. Kúdikti qamaýǵa alyndy. Oqiǵanyń tolyq mán-jaiy anyqtalyp jatyr.
"Politseiler daǵdarys ortalyǵymen bailanysyp, qyzben psihologtar jumys júrgizdi. Qazir jasóspirim úiinde, saraptama qorytyndysyna sáikes, qyzdyń denesinde basqa da jaraqattar anyqtalǵan joq.
Ózge aqparat QR QPK-niń 201-babyna sáikes jariia etilýge jatpaidy. Kórineý jalǵan aqparat úshin qylmystyq jaýapkershilik qarastyrylǵanyn eske salamyz", - delingen habarlamada.
