Arysta qatty jarylys bolady dep jalǵan aqparat taratqan kelinshek jurttan keshirim surady. Ol whatsApp áleýmettik jelisindegi «Arys qalasy» tobyna qaladan «Lýna» atty bomba shyǵarylatynyn aityp, jurtty dúrliktirgen bolatyn, dep habarlaidy "Ult aqparat".
Ol óz habarlamasynda «Qurmetti Arystyqtar 12-15 shildege deiin Arystan ketýlerińizdi suraimyz. V/ch taǵy «Lýnalardy» (bomba) shyǵarmaqshy. Ol kezde qaýip tónýi múmkin bolǵandyqtan turǵyndardy qaladan shyǵarmaqshy» dep jazǵan. Osydan keiin jergilikti politsiia qyzmetkerleri jalǵan málimet taratqan áieldi anyqtap, ony jergilikti politsiia bólimine jetkizgen. Onyń kópshilik aldynda keshirim suraǵany beinetúsirilimge jazylyp, taratyldy.
Beinetúsirilimde ol «Men Arys turǵyny Japqsylyqova Roza Ospanhanovna 12-15 shilde aralyǵynda «Lýna» bombasy shyǵarylady dep whatsApp jelisi arqyly «Arys qala» grýppasyna kartinka arqyly jibergenim ras. Sabyr saqtańyzdar. Jalǵan aqparat jibergenim úshin keshirim suraimyn» deidi.
Oblystyq PD baspasóz qyzmetiniń jetekshisi Saltanat Qarakózovanyń aitýynsha, ustalǵan kelinshektiń esh jerde jumys istemeitini jáne psihonevrologiialyq dispanserde esepte turmaityny anyqtalǵan.
«Osy jait Arys APB-niń SDTBT-ne tirkeýge alyndy. Kúdikti azamatsha anyqtalyp, onyń jergilikti turǵyn ekeni belgili boldy. Oǵan qatysty QR QK-niń 274-baby «Kórineý jalǵan aqparat taratý» boiynsha sotqa deiingi tergeý amaldary júrgizilip jatyr. Tergeý barysynda onyń ne sebepti jalǵan málimet aitqany jáne tolyq mán-jaiy anyqtalatyn bolady», - deidi Saltanat Qarakózova.
