Seminarlar barysynda ata-ana, muǵalimderdiń tsifrlyq tehnologiia turǵysynan qaraǵanda saýatsyz ekeni anyqtaldy. Bul týraly Ortalyq kommýnikatsiialar ortalyǵynda «Ózińdi jáne jaqyndaryńyzdy býlling jáne kiberbýllingten qalai qorǵaýǵa bolady» taqyrybynda ótken brifingte aityldy, dep habarlaidy "Ult aqparat".
«Men uzaq jyldar boiy mektepte jumys istedim. Oqýshylar arasynda kelispeýshilik bolatynyn, synyp jetekshisi osy máseleni sheshýge tyrysyp júretinin bilemiz, biraq sońǵy ýaqytta býlling taqyryby órship ketti. Tipti birneshe jyl buryn ǵana kiberbýlling degen sózdiń ne ekenin bilmeitinbiz. Áleýmettik jelige basqanyń sýreti, basqanyń aty-jónimen tirkelip, ul-qyzdardyń senimine kirip alatyndar shyqty. Memleket basshysy osy taqyrypqa nazar aýdarǵany qýantady», - deidi «Ehro&Women» halyqaralyq uiymnyń basqarma tóraǵasy Liaziat Asqarova.
Ol biyl osy taqyrypta seminarlar ótkizgenin aitty.
«Seminarlar barysynda ata-ana, muǵalimderdiń tsifrlyq tehnologiia turǵysynan qaraǵanda saýatsyz ekeni anyqtaldy. Balalarymyz bul jaǵynan áldeqaida ozyp ketken. Onlain seminarlarǵa 200-ge jýyq adam qatysty», - deidi ol.
Liaziat Asqarova býling qazaqy ortada da bar ekenin aitty.
«Mysaly, kishkentai ǵana Arys qalasynda Telegram kanaly arqyly balalardy sýitsidke itermeleýmen ainalysqan adam ustaldy. Tipti qazaq tilinde «Jumaqqa jetýge elý qadam» dep atalatyn oiyn paida boldy. Biz mundai jaǵdaiǵa daiyn bolmaǵanymyz anyq», - deidi ol.
«Osyǵan qatysty zańdy qatańdatý kerek. Eń úlken qundylyq - adam qundylyǵy ekenin umytpaýymyz kerek. Býlling otbasynan bastalady. Bala úide zorlyq-zombylyq, agressiia kórip júrse, ol ony mektep jáne basqa da ortaǵa aparyp, ishindegisin solai shyǵarýǵa tyrysady», - deidi «Ehro&Women» halyqaralyq uiymnyń basqarma tóraǵasy.
