Arys qalasynyń turǵyndaryna kómek kórsetý úshin biýdjetten jáne biýdjetten tys qarajat jumsalatyn bolady, – dep habarlaidy UltAqparat.
Búgin Ortalyq komýnikatsiialar qyzmetindegi baspasóz jiyny ótip, QR Ishki ister ministriniń orynbasary Iýrii Ilin arystyqtarǵa beriletin kómek týraly baiandady.
«Turǵyn úi qurylystarynyń basym bóligi saqtandyrylmaǵan shyǵar. Sondyqtan árbir úige, ony qaita qalpyna keltirý kólemine bailanysty jeke-jeke sheshim qabyldanatyn bolady. Bul úshin komissiia quryldy, baǵalaý júrgizilip jatyr», - dedi ol.
Onyń aitýynsha, Arysta qalpyna keltirý jumystaryna biýdjet qarajatynan tys aqsha da tartylady. Qazirdiń ózinde kóptegen biýdjettik uiymdar, memlekettik organdar, jeke kompaniialar Arystyń zardap shekken turǵyndaryna kómek kórsetý úshin aqshalai qarajat aýdaryp jatyr.
«Sol sebepti qarjylandyrý ártúrli kózderden, onyń ishinde biýdjetten tys kózderden de júrgiziledi. Qarjylandyrý kólemi baǵalaý komissiiasyn bailanysty. Memleket basshysynyń tapsyrmasyna sáikes jumystar qysqa merzimniń ishinde aiaqtalýy tiis. Ákimdikter de barynsha jumys isteidi. Respýblikalyq biýdjetten bólinetin qajetit qarjylandyrý kólemi boiynsha esep usynylady», - dedi QR IIM orynbasary.
