Arystaǵy áskeri bólimshedegi oq-dári qoimasynan shyqqan jarylystan zardap shekken qala turǵyndarymen Qazaqstan Prezidenti Qasym-Jomart Toqaev kezdesip, barlyq máseleni jeke óz baqylaýyna alǵanyn aitty.
Memleket basshysynyń turǵyndarmen kezdesý sáti beinelengen video materialdy QR Prezidentiniń baspasóz hatshysy Berik Ýáli Facebook-taǵy paraqshasynda jariialady, dep habarlaidy "Ult aqparat".
«Meniń tapsyrmam boiynsha barlyq oblys, eń aldymen Úkimet kómektesetin bolady. Balalarǵa qatysty aitar bolsam, qazirdiń ózinde eki oblys - Aqmola men Pavlodar oblystary balalardy bastarynan ótkergen osynaý qorqynyshty seiiltip, demalýy úshin jazǵy maýsymda ózderinde qabyldaýdy usynyp otyr. Sál-sál shydańyzdar, bári durys bolady. Bul máselelerdiń barlyǵyn jeke ózimniń baqylaýyma alamyn», - dedi Qasym-Jomart Toqaev.
