Jambyl oblysynda oryn alǵan tótenshe jaǵdaiǵa bailanysty temir jol qatynasy da toqtatylǵany belgili. Osyǵan orai toǵyz joldyń toraby sanalatyn Arys stansasynda birneshe saǵat boiy aialdap qalǵan myńnan asa jolaýshyǵa túrli kómek kórsetildi, dep habarlaidy QazAqparat.
Atap aitqanda, «Aqtóbe-Almaty» baǵytyndaǵy N34 poiyzdyń 572 jolaýshysy men «Qyzylorda-Kókshetaý» baǵytyndaǵy N56 poiyzdyń 457 jolaýshysy Arys-1 temir jol vokzalynda toqtap qalǵan bolatyn.
Qala ákimi Gúljan Qurmanbekovanyń shuǵyl tapsyrmasyna orai, bul azamattarǵa túrli kómek uiymdastyryldy. Jergilikti ákimdik qyzmetkerleri men Arys-1 temir jol stansasynyń basshylyǵy, Arys qalalyq jedel járdem stansasynyń 3 brigadasy men jelilik ishki ister bóliminiń qyzmetkerleri jolaýshylarǵa kerekti kómekterin kórsetken. Jolaýshylarǵa as pen sý usynylyp, dezinfektsiia qyzmetkerleri sanitarlyq talaptardyń saqtalýyn qamtamassyz etti.
Al, jergilikti kásipkerler Shymkent qalasyna jetkisi kelgen jolaýshylar úshin arnaiy kólikter uiymdastyrdy. Aita keteiik, Arys qalasynyń ákimdigi janyndaǵy jastar resýrstyq ortalyǵynyń eriktileri men «Qolǵabys» qaiyrymdylyq qorynyń ókilderi jambyldyq turǵyndarǵa jan-jaqty kómek kórsetý baǵytynda jumystardy bastap ketti.
