جامبىل وبلىسىندا ورىن العان تٶتەنشە جاعدايعا بايلانىستى تەمٸر جول قاتىناسى دا توقتاتىلعانى بەلگٸلٸ. وسىعان وراي توعىز جولدىڭ تورابى سانالاتىن ارىس ستانساسىندا بٸرنەشە ساعات بويى ايالداپ قالعان مىڭنان اسا جولاۋشىعا تٷرلٸ كٶمەك كٶرسەتٸلدٸ, دەپ حابارلايدى قازاقپارات.
اتاپ ايتقاندا, «اقتٶبە-الماتى» باعىتىنداعى N34 پويىزدىڭ 572 جولاۋشىسى مەن «قىزىلوردا-كٶكشەتاۋ» باعىتىنداعى N56 پويىزدىڭ 457 جولاۋشىسى ارىس-1 تەمٸر جول ۆوكزالىندا توقتاپ قالعان بولاتىن.
قالا ەكٸمٸ گٷلجان قۇرمانبەكوۆانىڭ شۇعىل تاپسىرماسىنا وراي, بۇل ازاماتتارعا تٷرلٸ كٶمەك ۇيىمداستىرىلدى. جەرگٸلٸكتٸ ەكٸمدٸك قىزمەتكەرلەرٸ مەن ارىس-1 تەمٸر جول ستانساسىنىڭ باسشىلىعى, ارىس قالالىق جەدەل جەردەم ستانساسىنىڭ 3 بريگاداسى مەن جەلٸلٸك ٸشكٸ ٸستەر بٶلٸمٸنٸڭ قىزمەتكەرلەرٸ جولاۋشىلارعا كەرەكتٸ كٶمەكتەرٸن كٶرسەتكەن. جولاۋشىلارعا اس پەن سۋ ۇسىنىلىپ, دەزينفەكتسييا قىزمەتكەرلەرٸ سانيتارلىق تالاپتاردىڭ ساقتالۋىن قامتاماسسىز ەتتٸ.
ال, جەرگٸلٸكتٸ كەسٸپكەرلەر شىمكەنت قالاسىنا جەتكٸسٸ كەلگەن جولاۋشىلار ٷشٸن ارنايى كٶلٸكتەر ۇيىمداستىردى. ايتا كەتەيٸك, ارىس قالاسىنىڭ ەكٸمدٸگٸ جانىنداعى جاستار رەسۋرستىق ورتالىعىنىڭ ەرٸكتٸلەرٸ مەن «قولعابىس» قايىرىمدىلىق قورىنىڭ ٶكٸلدەرٸ جامبىلدىق تۇرعىندارعا جان-جاقتى كٶمەك كٶرسەتۋ باعىتىندا جۇمىستاردى باستاپ كەتتٸ.
