2018 jyldyń 10 aiynyń qorytyndysy boiynsha Arys qalasynyń biýdjeti 1 mlrd. 186 mln. teńgege jetken. Ótken jyldyń tiisti kezeńimen salystyrǵanda 121 paiyzǵa nemese 203 mln. teńgege artyq oryndalǵan. Bul týraly Óńirlik kommýnikatsiialyq qyzmetiniń kóshpeli brifingi aiasynda ótken baspasóz jiynynda qala ákimi Murat Qadyrbek málimdedi.
Onyń sózinshe, ónerkásip salasynda óndirilgen jalpy ishki ónim kólemi 25 mlrd. 367 mln. teńgeni quraǵan. 2017 jyldyń tiisti kezeńimen 22 mlrd. 246 mln. teńge bolǵanyn eskersek, 114 paiyzǵa artqanyn ańǵarýǵa bolady.
«Arys qalasynda 10 aidyń qorytyndysy boiynsha «Óńirler kásipkerligin qoldaý» kartasy aiasynda 250 mln. teńgelik 1 joba iske qosylyp, jańadan 50 jumys orny ashyldy. Atap aitqanda jylyna 18 mln. lirt miniraldy jáne basqa da alkogolsiz sýsyndar shyǵarýǵa qaýqarly «Arys mineraldy sý» JShS quryldy. Odan bólek, óńirler kásipkerligin qoldaý kartasynan tys quny 245 mln. teńgelik 4 joba iske qosylyp, nátijesinde 85 jańa jumys orny ashyldy. Aldaǵy ýaqytta qurylys materialdaryn óndiretin óndirisoryndaryn qosý josparlanýda. Sonymen qatar, sheteldik jáne jergilikti kompaniialar birlesip, jylyna 12 myń dana tolyq tsikldy vagondar shyǵaratyn zaýyt iske qosylady», – dedi qala basshysy.
Qalada 12 mlrd. 521 mln. teńgeniń aýyl sharýashylyǵy ónimderi óndirilip, naqty kólem indeksi 93,6 paiyzdy qurady. Biyl 22900 gektarǵa egis egý josparlansa, 27676 gektarǵa dán sebilip jospar 120,9 paiyzǵa oryndalǵan. Sondai-aq, biyl 6 gektar jerge jylyjai salý kerek bolsa, 6,1 gektar jerge jylyjai salynyp jospar artyǵymen oryndalǵan.
Jyl basyan beri Arys qalasyna tartylǵan investitsiia kólemi 6 mlrd. 108 mln. teńgeni quraǵan. Ótken jyldyń tiisti kezeńimen salystyrǵanda 1 mlrd. 107 mln. teńgege artyq.
Aǵymdaǵy jyldyń qazan aiynda Qojatoǵai aýyldyq okrýginde «KazGreenTekSolar» seriktestigi frantsýzdyq kompaniiamen birlesip, 30 gektar jerge quny 7 mlrd. teńgelik qýattylyǵy 14 mVt bolatyn kún sáýlesinen balamaly elektr energiiasyn óndiretin stantsiianyń qurylys jumystary bastaldy. Odan bólek, «Túrkistan» áleýmettik kásipkerlik korporatsiiasy» AQ usynysy negizinde qýattylyǵy 50 mVt-ty quraityn kún sáýlesinen qýat óndiretin stantsiia salynatyn bolady.
