Túrkistan oblysy Arys qalasynyń temirjol vokzalynda metall konteinerge tielgen sary fosfor janyp jatyr. Bul týraly óńirdiń Tótenshe jaǵdailar departamentinen málim etti, dep habarlaidy "Ult aqparat".
«6 tamyz kúni saǵat 16:25-te Arys qalasy, «Arys» temirjol vokzaly, júk poiyzynyń (derekter qarastyrylýda) №54755392 metall konteinerinde órt shyqty (sary fosfor). «QTJ» AQ kúshterimen vagon poiyzdan ajyratyldy jáne shlamǵa arnalǵan 30-shy jolǵa qoiyldy (joiý tuiyǵy). Oqiǵa basqa poiyzdardyń qozǵalysyna áser etken joq», - delingen habarlamada.
Málimetke sáikes, órtti sóndirý boiynsha shtab uiymdastyryldy. Qazirgi ýaqytta tótenshe jaǵdaidy joiýǵa jumyldyryldy: TJD-nyń 26 qyzmetkeri men 5 tehnikasy, «QTJ» AQ-nyń 12 qyzmetkeri, 1 tehnikasy men órt sóndirý poiyzy, Jelilik politsiia bóliminiń 20 qyzmetkeri men 1 tehnikasy, QR Qorǵanys ministrligi 44859 áskeri bóliminiń 8 áskeri qyzmetshisi men 2 tehnikasy, Arys aýdandyq sanitarlyq -epidemiologiialyq baqylaý bóliminen 3 qyzmetker jáne 1 tehnika.
