Arys qalasynda fosfor tielgen konteinerler janyp, tútinniń jolyndaǵy turǵyndar qaýipsiz jerge kóshirilýde, dep habarlaidy "Ult aqparat" .
Tótenshe oqiǵanyń mán-jaiyn Túrkistan oblysy ákiminiń orynbasary Sáken Qalqamanov Facebook-paraqshasynda túsindirip jazdy.
«Búgin, keshki saǵat alty jarym shamasynda Arys stantsiiasynda Jambyl oblysynan Reseige fosfor tiep jóneltilgen eki konteiner otqa orandy. Aýdan men oblystyń barlyq tótenshe kúshteri jumyldyryldy. Mundai órtti qalai sóndirý kerektigin mamandar jaqsy biledi. Alaida, sary fosfor óte uzaq ýaqyt janyp jatyp alady jáne tútini qoiý bolady. Jeldiń baǵyty ózgergen jaǵdaida, tuiyqqa jaqyn ornalasqan shaǵyn aýdan turǵyndarynyń densaýlyǵyna ziian kelmes úshin aýdan ákimdigi halyqty qaýipsiz jerge kóshirip jatyr. Kóshirilgen turǵyndardyń bári qala mektepteriniń birinde túneidi. Olar ystyq tamaqpen qamtamasyz etiledi.
Jaǵdai baqylaýda. Men ózim oqiǵa ornyna shyqtym», - dep jazdy oblys ákiminiń orynbasary.
Buǵan deiin Túrkistan oblysy Tótenshe jaǵdailar departamenti taratqan málimet boiynsha, órt basqa poiyzdardyń qozǵalysyna áser etpegen. Otqan oranǵan vagon poiyzdan ajyratylyp, temirjol torabynan shetkeri shyǵarylǵan.
