2019 jylǵy 9 shildedegi jaǵdai boiynsha Túrkistan oblysynyń Arys qalasynda 434 úide qalpyna keltirý jumystary júrgizildi.
Aýqymdy sharaǵa taǵy 41 qurylys kompaniiasy atsalysýda. Búgingi kúni úilerdi qalpyna keltirýge 191 uiym jumyldyryldy. Bul týraly QR Indýstriia jáne infraqurylymdyq damý ministrliginiń baspasóz qyzmeti habarlady.
Qurylys jáne TKSh isteri jónindegi komitettiń málimetteri boiynsha, 4 myńnan astam qurylysshy men 185 arnaiy tehnika qazir taǵy 2642 jeke turǵyn úi qurylysy men KPTÚ nysandaryn qalpyna keltirilýde.
Esterińizge sala keteiik, Arys 17 sektorǵa bólinip, ár óńir men respýblikalyq mańyzy bar qalaǵa bekitip berilgen. 2019 jylǵy 6 shildede QR Premer-Ministriniń orynbasary Jeńis Qasymbek, QR IIDM vitse-ministri Qaiyrbek Óskenbaev jáne Túrkistan oblysynyń ákimi Ómirzaq Shókeevtiń qatysýymen ákimdik ókilderimen keńes ótkizilip, jaýapty tulǵalardan qalany qalpyna keltirý qarqynyn jedeldetý tapsyryldy.
Elbasynyń jáne Memleket basshysynyń tapsyrmasy boiynsha barlyq búlingen jáne buzylǵan obektiler 2019 jyldyń 1 tamyzyna deiin tapsyrylýy tiis.
QR IIDM vitse-ministri Qaiyrbek Óskenbaevtyń aitýynsha, úilerdiń monitoringi men qurylys barysyn baqylaý kún saiyn júrgiziledi.
