Arys qalasyn janar-jaǵarmaimen qamtamasyz etý máselesi QR Energetika ministrliginiń jiti baqylaýynda, dep habarlaidy vedomstvonyń baspasóz qyzmeti.
«Qazirgi ýaqytta QR Energetika ministrliginiń qyzmetkerleri Arys qalasyndaǵy negizgi munai ónimderin jetkizýshilermen jáne iri janarmai beketteriniń basshylarymen turaqty bailanysta. Qajet bolǵan jaǵdaida, Tótenshe jaǵdailardyń aldyn alý jáne joiý máselesi boiynsha organdar Túrkistan oblysy ákimdigi arqyly Arys qalasyna janar-jaǵarmaidyń qosymsha kólemin jóneltýdi uiymdastyrady», delingen baspasóz habarlamasynda.
Sonymen birge, tiisti qurylymdardy qamtamasyz etý úshin Shymkent munai óńdeý zaýytynda munai ónimderiniń qory jetkilikti ekendigin atap ótilgen. Onda benzinniń 30 myń tonna, dizel otynynyń 5,5 myń tonna qory bar.
