ارىس قالاسىن جانار-جاعارمايمەن قامتاماسىز ەتۋ مەسەلەسٸ قر ەنەرگەتيكا مينيسترلٸگٸنٸڭ جٸتٸ باقىلاۋىندا, دەپ حابارلايدى ۆەدومستۆونىڭ باسپاسٶز قىزمەتٸ.
«قازٸرگٸ ۋاقىتتا قر ەنەرگەتيكا مينيسترلٸگٸنٸڭ قىزمەتكەرلەرٸ ارىس قالاسىنداعى نەگٸزگٸ مۇناي ٶنٸمدەرٸن جەتكٸزۋشٸلەرمەن جەنە ٸرٸ جانارماي بەكەتتەرٸنٸڭ باسشىلارىمەن تۇراقتى بايلانىستا. قاجەت بولعان جاعدايدا, تٶتەنشە جاعدايلاردىڭ الدىن الۋ جەنە جويۋ مەسەلەسٸ بويىنشا ورگاندار تٷركٸستان وبلىسى ەكٸمدٸگٸ ارقىلى ارىس قالاسىنا جانار-جاعارمايدىڭ قوسىمشا كٶلەمٸن جٶنەلتۋدٸ ۇيىمداستىرادى», دەلٸنگەن باسپاسٶز حابارلاماسىندا.
سونىمەن بٸرگە, تيٸستٸ قۇرىلىمداردى قامتاماسىز ەتۋ ٷشٸن شىمكەنت مۇناي ٶڭدەۋ زاۋىتىندا مۇناي ٶنٸمدەرٸنٸڭ قورى جەتكٸلٸكتٸ ەكەندٸگٸن اتاپ ٶتٸلگەن. وندا بەنزيننٸڭ 30 مىڭ توننا, ديزەل وتىنىنىڭ 5,5 مىڭ توننا قورى بار.
