Arys qalasynda kógaldandyrý-abattandyrý jumystary jalǵasyp jatyr, dep habarlaidy «Ult aqparat» oblys ákimdiginiń baspasóz qyzmetine silteme jasap.
Qala ákimi Gúljan Qurmanbekovanyń qalany jasyl jelekke oraý bastamasy arystyq turǵyndar tarapynan úlken qoldaý tabýda. Jyl basynan beri qala aýmaǵynda 60 myńnan astam kóshet otyrǵyzylǵan.
Búginde Arys qalasyna qarasty bilim mekemelerinde «Meniń aǵashym» aktsiiasy ótip keledi. Aktsiia aiasynda oqýshylar ata-analarymen birge mektep aýlasyn kórkeitý maqsatynda tal egý jumystary uiymdastyrylýda.
Arys – Shymkent, Arys – Shardara trassasy jiegin abattandyrý jumysy búginde nátijesin berdi. Bir kezderi jazyq jatqan dalaǵa jan bitip, jasyl jelek kóz qýantýda. Oblystyq jáne aýdanaralyq avtojol boiyndaǵy jasyl beldeý basynda «Jasyl Arys» KMM mamandary qarqyndy eńbek etýde.
Kúzgi aǵash otyrǵyzý maýsymy kezinde 40 myń túp tal-daraq egý josparlansa, búginde 30 myńǵa jýyq kóshet otyrǵyzylǵan. Kóshetter shahar aýmaǵynan bólek, mekemeler men mektepterde, aýrýhanalar men kásiporyn aýmaqtarynda, qala kóshelerinde otyrǵyzylýda. Osylaisha, Arys qalasy Túrkistan oblysy boiynsha aǵash otyrǵyzýdan aldyńǵy orynǵa shyqty.
Qalada egilgen aǵashtardyń basym bóligin úieńki, qaraǵash, shynar, katalpa, ailant, siriialyq raýshan, týia, arsha, shaǵan syndy jergilikti klimatqa beiimdelgen aǵashtar quraidy.
Aita keteiik, aǵashtardy kútip baptaý maqsatynda avtomattandyrylǵan sýǵarý júieleri ornatylyp, sý uńǵymalar qazylǵan. Sonymen qatar, ortalyqtyń gúldenýin jandandyrý jumystary kúndelikti «Jasyl Arys» KMM-si júrgizedi.
