ارىس قالاسىندا كٶگالداندىرۋ-اباتتاندىرۋ جۇمىستارى جالعاسىپ جاتىر, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
قالا ەكٸمٸ گٷلجان قۇرمانبەكوۆانىڭ قالانى جاسىل جەلەككە وراۋ باستاماسى ارىستىق تۇرعىندار تاراپىنان ٷلكەن قولداۋ تابۋدا. جىل باسىنان بەرٸ قالا اۋماعىندا 60 مىڭنان استام كٶشەت وتىرعىزىلعان.
بٷگٸندە ارىس قالاسىنا قاراستى بٸلٸم مەكەمەلەرٸندە «مەنٸڭ اعاشىم» اكتسيياسى ٶتٸپ كەلەدٸ. اكتسييا اياسىندا وقۋشىلار اتا-انالارىمەن بٸرگە مەكتەپ اۋلاسىن كٶركەيتۋ ماقساتىندا تال ەگۋ جۇمىستارى ۇيىمداستىرىلۋدا.
ارىس – شىمكەنت, ارىس – شاردارا تراسساسى جيەگٸن اباتتاندىرۋ جۇمىسى بٷگٸندە نەتيجەسٸن بەردٸ. بٸر كەزدەرٸ جازىق جاتقان دالاعا جان بٸتٸپ, جاسىل جەلەك كٶز قۋانتۋدا. وبلىستىق جەنە اۋدانارالىق اۆتوجول بويىنداعى جاسىل بەلدەۋ باسىندا «جاسىل ارىس» كمم ماماندارى قارقىندى ەڭبەك ەتۋدە.
كٷزگٸ اعاش وتىرعىزۋ ماۋسىمى كەزٸندە 40 مىڭ تٷپ تال-داراق ەگۋ جوسپارلانسا, بٷگٸندە 30 مىڭعا جۋىق كٶشەت وتىرعىزىلعان. كٶشەتتەر شاھار اۋماعىنان بٶلەك, مەكەمەلەر مەن مەكتەپتەردە, اۋرۋحانالار مەن كەسٸپورىن اۋماقتارىندا, قالا كٶشەلەرٸندە وتىرعىزىلۋدا. وسىلايشا, ارىس قالاسى تٷركٸستان وبلىسى بويىنشا اعاش وتىرعىزۋدان الدىڭعى ورىنعا شىقتى.
قالادا ەگٸلگەن اعاشتاردىڭ باسىم بٶلٸگٸن ٷيەڭكٸ, قاراعاش, شىنار, كاتالپا, ايلانت, سيرييالىق راۋشان, تۋيا, ارشا, شاعان سىندى جەرگٸلٸكتٸ كليماتقا بەيٸمدەلگەن اعاشتار قۇرايدى.
ايتا كەتەيٸك, اعاشتاردى كٷتٸپ باپتاۋ ماقساتىندا اۆتوماتتاندىرىلعان سۋعارۋ جٷيەلەرٸ ورناتىلىپ, سۋ ۇڭعىمالار قازىلعان. سونىمەن قاتار, ورتالىقتىڭ گٷلدەنۋٸن جانداندىرۋ جۇمىستارى كٷندەلٸكتٸ «جاسىل ارىس» كمم-سٸ جٷرگٸزەدٸ.
