Túrkistan oblysynyń ákimi Ómirzaq Shókeev Arys qalasyndaǵy TJ aýmaǵynda jumys istep júrgen qyzmetkerler týraly aityp berdi, dep habarlaidy QazAqparat.
«Arysta 45 myń turǵyn bar. Jarylystardyń kólemin, masshtabyn kórgen soń, túgel qalany evakýatsiialaý týraly sheshim qabyldadyq. Tezdetip qulaqtandyrý quraldary iske qosyldy. Avtobýstar ákelinip, qaladan turǵyndardy tez arada qaýipsiz óńirge shyǵarýǵa áreket jasaldy. Qazirgi ýaqytta Arysta ár saǵat saiyn kóshelerdi aralap, arnaiy kóliktik kolonnalar jiberip, turǵyndardyń barlyǵyn shyǵaryp jatyrmyz. Kópshiligi qaladan shyqty dep aitýǵa bolady. Endi politsiiamen jáne áskerilermen birigip, qalanyń ishin patrýldeýge kiristik. Qalanyń shetterin qorshap, blok posttar ornattyq
Arys turǵyndaryn evakýatsiialaýǵa 150 avtokólik tartyldy. Qalany kúzetýge aýdandyq ishki ister bólimi tolyq jumyldyryldy. 345 qyzmetker, 75 arnaiy kólik, 51 jedel járdem kóligi tartyldy. Odan bólek, Qorǵanys ministrligi tarapynan 800 áskeri qyzmetshi qala aýmaǵyna jetkizildi. Olar jedel tapsyrmalardy oryndaityn bolady. Sońǵy bir saǵatta Arys qalasynan 1616 adam evakýatsiialandy.
Arysta eshkim qalmady deýge bolady. Saǵat saiyn qala ishin tekserip júrmiz. Jertólede tyǵylyp otyrǵan adamdar bolsa, qala aýmaǵynan shyǵarýǵa tyrysamyz», - dedi Ómirzaq Shókeev Arys qalasynda tikelei efirde ótken baspasóz brifinginde.
