Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Qoǵam

Arýjan Saiyn jeti jasar balanyń anasymen kezdeskenin aitty

Ult portaly
Arýjan Saiyn jeti jasar balanyń anasymen kezdeskenin aitty

Qoǵam belsendisi Arýjan Saiyn ońtústikqazaqstandyq 7 jasar balanyń anasymen kezdeskenin aitty, dep habarlaidy Sputnik Qazaqstan tilshisi.  

"Keshe biz anasymen kezdestik, ol bizdiń kózimizshe týystarynyń bárine habarlasty. Biraq olardyń telefony sóndirýli. Keiin balanyń ájesiniń rahmet aitqan videosy shyqty. Biraq áiel onda aitylǵan sózderge senbeitinin aitty", — dedi Arýjan Saiyn Almatyda ótken baspasóz máslihatynda.

Onyń aitýynsha, balanyń anasy Astanaǵa bara jatyr nemese jetip te qaldy. Áieldiń jalǵyz talaby – ádil tergeý. 

"Balanyń anasy - otbasynyń jalǵyz asyraýshysy. Olar, shyn máninde, oralmandar. Ókinishke qarai, ájesi jumysqa ornalasa almaǵan. Otbasynda múgedek adam bar. Áiel "meniń saýatym az, segizinshi synyptan jumys istep kele jatyrmyn, dárethana, ydys-aiaq jýdym" dep shyndyǵyn aityp otyr. Qazir ol qoǵamdyq tamaqtaný boiynsha kásipti igerip, jaqsy maman bolyp, aqsha taýyp júr", — dep Arýjan Saiyn balanyń anasy týraly aityp berdi. 

Arýjan Saiyn áieldiń bala quqyqtary jónindegi ýákil Zaǵipa Balievamen sóileskenin-sóilespegenin bilmeitinin atap ótti.

Al Zaǵipa Balieva búgin Astanada BAQ ókilderine ótkizgen baspasóz máslihatynda anasymen habarlasqanyn aitty.

"Olardyń aitýynsha, anasy Almatyda jumys isteidi. Bala bir ai boiy anasyn kórmegen. Ol anasyn saǵynyp júr, kúnde ol týraly suraidy. Biz birneshe ret anasyna habarlastyq, Astanaǵa kelýi úshin barlyǵyn jasaǵymyz keledi, alaida ázirge bul múmkin bolmai otyr", — dedi ol. 
Balievanyń aitýynsha, ol áieldiń bailanys telefonyn tek birneshe kúnnen keiin ǵana tapqan.
"Ózimdi tanystyryp, balaǵa kómekteskimiz keletinin, onyń qasynda bolý úshin Astanaǵa kele alatynyn aittym. Alaida ol "mende aqsha joq" dedi. Biz odan "biletti satyp alyp beremiz, tek kelseńiz boldy" dep ótindik. Odan keiin onymen habarlasa almadyq, bul sońǵy áńgimemiz boldy", — dedi Balieva. 
Eske salyp ótsek, úsh-tórt kún buryn otandyq BAQ betinde "Abai aýylyndaǵy mektepterdiń birinde 7 jasar balany joǵary synyp oqýshylary birneshe ret zorlaǵan" degen aqparat taraǵan edi. Saryaǵash aýdanyna qarasty Abai aýylynda bar-joǵy birinshi synypta oqityn oqýshyny ózinen 7-8 jas úlken 4 oqýshy 5 ai boiy zorlap kelgen kórinedi. Jábir kórdim degen bala bul týraly týystaryna byltyr tamyz aiynda aitqan eken. Sodan beri politseilerge neshe márte barǵanymen tártip saqshylary shaǵymdy tek qańtar aiynda qabyldapty. 
Alaida sot-meditsinalyq saraptama qorytyndysy birinshi synyp oqýshysyna seksýaldy sipattaǵy zorlyq-zombylyq jasalǵanyn teriske shyǵardy.
Bala quqyqtary jónindegi ýákil Zaǵipa Balieva Shymkent qalasyna baryp, 7 jasar búldirshindi ájesimen birge Astanaǵa alyp keldi. Qazir balanyń jaǵdaiy jaqsy, onymen psihologtar jumys istep jatyr.
Keshe OQO ákimi Janseiit Túimebaev Saryaǵash aýdany, Abai aýylyndaǵy mektepte bolǵan keleńsiz jaǵdaiǵa bailanysty jaýapty tulǵalarǵa shara qoldandy. Atap aitsaq, QR zańyna sáikes oblys ákiminiń orynbasary U.Sádibekovke qatań eskertý berildi. Sondai-aq, Saryaǵash aýdandyq jergilikti politsiia qyzmeti basshysy O.Berdaly  men Saryaǵash aýdany, Abai aýyldyq jergilikti politsiia bólimshesiniń basshysy Á.Ibragimov, iývenaldy politsiia bólimshesiniń №73, №74 jalpy orta mektepterine jaýapty politsiia inspektory Q.Sáriev qyzmetinen bosatyldy.

Oqi otyryńyz