Foto: Bes.media
Depýtat Gennadii Shipovskih Úkimet basshysyna «ART Sport» baǵdarlamasyndaǵy zańsyzdyqtarǵa qatysty depýtattyq saýal joldady. Ol jumsalǵan qarajattyń tiimdi igerilýi qajettigin aityp, birqatar máseleni kóterdi, dep habarlaidy Ult.kz.
«Bas prokýratýranyń aqparatyna sáikes, 2022-2023 jyldary baǵdarlama aiasynda túrli zań buzýshylyq boiynsha 38 prokýrorlyq qadaǵalaý aktisi engizilip, 43 laýazymdy tulǵa tártiptik jaýapkershilikke tartyldy. 600-den astam kásipkerdiń quqyǵy qorǵalyp, olarǵa tiesili qarajat qaitaryldy. Sondai-aq 22 qylmystyq is qozǵalyp, 8 adam sottalǵan. Respýblika boiynsha is júzinde sabaqqa qatyspaǵan 8 myńnan astam balanyń tirkelgeni belgili boldy. Osy oraida buqaralyq sportty damytýǵa baǵyttalǵan baǵdarlamanyń tiimdi iske asýyn qamtamasyz etpesek, bólingen qarajattyń tiimdiligi tómendeidi», - dedi Gennadii Shipovskih.
