Qaraǵandy oblysynyń Shahtinsk qalasynda "ArselorMittal Temirtaý" shahtalarynyń birinde gaz shyqty. Saldarynan 4 jumysshy qaza tapty. Aqparatty TJM resmi ókili Rýslan Imanqulov rastady, - dep habarlaidy "Ult aqparat" Tengrinews.kz agenttigine silteme jasap.
"3 qarashada 03:00-de Shahtinsk qalasynda "ArselorMittal Temirtaý" AQ shahtada burǵylaý kezinde gaz jarylyp ketkenin rastaimyz. Apat saldarynan 4 jumysshy qaza tapty, taǵy bir jumysshyny izdeý jalǵasyp jatyr, tórteýi aýrýhanaǵa jatqyzyldy", - dedi TJM resmi ókili Rýslan Imanqulov.
Sondai-aq, 106 jumysshy evakýatsiialanǵan.
"Oqiǵanyń mán-jaiyn anyqtaý úshin komissiia quryldy. Tergeý nátijeleri boiynsha oqiǵanyń sebepteri men mán-jaiy anyqtalady", - dep tolyqtyrdy TJM ókili.
