«ArselorMittal Temirtaýdyń» óndiris mekemesinde apat boldy, dep habarlaidy QazAqparat.
26 qarashada №3 ázirlemelerdi úzdiksiz quiý mashinasynyń (ÁÚQM) bolat shómish qaqpasyna metaldyń tógilýi oryn aldy.
«Tehnologiialyq personal tótenshe jaǵdaida qajetti barlyq protsedýralardy oryndady. Metall arnaiy shuńqyrǵa quiyldy. Konverter tsehy shtattyq rejimde jumys istep tur, ÁÚQM-3-ti synaqtan ótkizý jáne iske qosý jumystary júrgizilip jatyr», - dedi «ArselorMittal Temirtaý» AQ-nyń baspasóz qyzmetinen.
Kompaniia ókilderiniń aitýynsha, apat saldarynan zardap shekkender joq.
Eske sala keteiik, 3 qarashada osy kompaniiaǵa qarasty Kómir departamenttiń Lenin atyndaǵy shahtasynda metan gazynyń jarylysy bolyp, 5 kenshi qaza bolǵan edi.
Video: EGOV.PRESS
