"ArselorMittal Temirtaýdyń" "Kazahstanskaia" shahtasynan jumysshynyń máiiti tabyldy, dep jazady Sputnik Qazaqstan.
Kompaniia baspasóz qyzmetiniń habarlaýynsha, búgin "Kazahstanskaia" shahtasynyń aýmaǵynan kásiporynnyń kómir departamenti bólimsheleriniń birindegi qyzmetkerdiń máiiti tabylǵan.
"Oqiǵa kezinde jumysshy qyzmettik kezekshilikte bolmaǵan", - dep jazylǵan kompaniia taratqan habarlamada.
Buǵan deiin 3 qarashada Qaraǵandy oblysynyń Shahtinsk qalasyndaǵy "ArselorMittal Temirtaý" shahtalarynyń birinde tótenshe jaǵdai boldy. Gaz drenajdyq uńǵymalardy burǵylaý kezinde kenetten gaz shyǵyp, saldarynan tórt jumysshy qaza tapty. Tańerteń besinshi kenshiniń denesi tabyldy.
Qaiǵyly oqiǵa saldarynan tórt kenshi zardap shekti, olar aýrýhanaǵa jatqyzyldy. Aldyn ala diagnoz – metannan ýlaný. Eki kenshi Qaraǵandydaǵy Maqajanov atyndaǵy kópsalaly aýrýhananyń toksikologiialyq bólimine jatqyzyldy. Ýlanǵannan bólek, ártúrli aýyrlyqtaǵy jaraqat alǵan taǵy eki kenshi Shahtinsk aýrýhanasynda jatyr.
