"ارسەلورميتتال تەمٸرتاۋدىڭ" "كازاحستانسكايا" شاحتاسىنان جۇمىسشىنىڭ مەيٸتٸ تابىلدى, دەپ جازادى Sputnik قازاقستان.
كومپانييا باسپاسٶز قىزمەتٸنٸڭ حابارلاۋىنشا, بٷگٸن "كازاحستانسكايا" شاحتاسىنىڭ اۋماعىنان كەسٸپورىننىڭ كٶمٸر دەپارتامەنتٸ بٶلٸمشەلەرٸنٸڭ بٸرٸندەگٸ قىزمەتكەردٸڭ مەيٸتٸ تابىلعان.
"وقيعا كەزٸندە جۇمىسشى قىزمەتتٸك كەزەكشٸلٸكتە بولماعان", - دەپ جازىلعان كومپانييا تاراتقان حابارلامادا.
بۇعان دەيٸن 3 قاراشادا قاراعاندى وبلىسىنىڭ شاحتينسك قالاسىنداعى "ارسەلورميتتال تەمٸرتاۋ" شاحتالارىنىڭ بٸرٸندە تٶتەنشە جاعداي بولدى. گاز درەناجدىق ۇڭعىمالاردى بۇرعىلاۋ كەزٸندە كەنەتتەن گاز شىعىپ, سالدارىنان تٶرت جۇمىسشى قازا تاپتى. تاڭەرتەڭ بەسٸنشٸ كەنشٸنٸڭ دەنەسٸ تابىلدى.
قايعىلى وقيعا سالدارىنان تٶرت كەنشٸ زارداپ شەكتٸ, ولار اۋرۋحاناعا جاتقىزىلدى. الدىن الا دياگنوز – مەتاننان ۋلانۋ. ەكٸ كەنشٸ قاراعاندىداعى ماقاجانوۆ اتىنداعى كٶپسالالى اۋرۋحانانىڭ توكسيكولوگييالىق بٶلٸمٸنە جاتقىزىلدى. ۋلانعاننان بٶلەك, ەرتٷرلٸ اۋىرلىقتاعى جاراقات العان تاعى ەكٸ كەنشٸ شاحتينسك اۋرۋحاناسىندا جاتىر.
