2021 jylǵy 13 qańtarda saǵat 21.53-te «ArselorMittal Temirtaý» AQ Kómir departamentiniń «Lenin atyndaǵy» shahtasynda (gorizonty 340, tereńdigi 840 metr) barlaý uńǵymasyn burǵylaý kezinde metan gazy men kómirdiń usaq fraktsiialary bólindi. Bul týraly TJM habarlady.
Bul kúni úsh jumysshy, atap aitqanda burǵylaý qondyrǵysynyń mashinisi, mashinistiń kómekshisi, sondai-aq jeldetý jáne qaýipsizdik tehnikasy ýchaskesiniń taý-ken sheberi uńǵyma túbinde barlaý jumystaryn júrgizip jatqan.
Apat saldarynan taý-ken sheberi men mashinistiń kómekshisi apat ornynan dereý ketip qaldy, al mashinist uńǵyma túbinen shyǵa almady.
Apat kezinde shahtada úshinshi aýysymnyń 137 qyzmetkeri bolǵan. Olardyń 136-sy jer betine shyǵaryldy.
Kásiporynnyń avariialyq-qutqarý qyzmeti kelgennen keiin dereý shahtaǵa tústi. Saǵat 23.00-de aerogazdy baqylaý apparatýrasynyń kórsetkishterine sáikes shahtanyń taý-ken qazbalaryndaǵy gaz jaǵdaiy qalypqa keldi. Avariialyq-qutqarý qyzmetiniń bólimshesi uńǵyma túbindegi taý-ken massasyn tazalaýda. Zardap shekken bir adamdy izdestirý jumystary jalǵastyrylýda. Izdestirý jumystaryna shahtanyń 17 qyzmetkeri men avariialyq-qutqarý qyzmetiniń eki bólimshesi (16 adam) jumyldyryldy.
Atalǵan apatty tekserý úshin QR TJM Ónerkásiptik qaýipsizdik komitetiniń Qaraǵandy oblysy boiynsha departamentiniń janynda komissiia quryldy.
