2021 جىلعى 13 قاڭتاردا ساعات 21.53-تە «ارسەلورميتتال تەمٸرتاۋ» اق كٶمٸر دەپارتامەنتٸنٸڭ «لەنين اتىنداعى» شاحتاسىندا (گوريزونتى 340, تەرەڭدٸگٸ 840 مەتر) بارلاۋ ۇڭعىماسىن بۇرعىلاۋ كەزٸندە مەتان گازى مەن كٶمٸردٸڭ ۇساق فراكتسييالارى بٶلٸندٸ. بۇل تۋرالى تجم حابارلادى.
بۇل كٷنٸ ٷش جۇمىسشى, اتاپ ايتقاندا بۇرعىلاۋ قوندىرعىسىنىڭ ماشينيسٸ, ماشينيستٸڭ كٶمەكشٸسٸ, سونداي-اق جەلدەتۋ جەنە قاۋٸپسٸزدٸك تەحنيكاسى ۋچاسكەسٸنٸڭ تاۋ-كەن شەبەرٸ ۇڭعىما تٷبٸندە بارلاۋ جۇمىستارىن جٷرگٸزٸپ جاتقان.
اپات سالدارىنان تاۋ-كەن شەبەرٸ مەن ماشينيستٸڭ كٶمەكشٸسٸ اپات ورنىنان دەرەۋ كەتٸپ قالدى, ال ماشينيست ۇڭعىما تٷبٸنەن شىعا المادى.
اپات كەزٸندە شاحتادا ٷشٸنشٸ اۋىسىمنىڭ 137 قىزمەتكەرٸ بولعان. ولاردىڭ 136-سى جەر بەتٸنە شىعارىلدى.
كەسٸپورىننىڭ اۆارييالىق-قۇتقارۋ قىزمەتٸ كەلگەننەن كەيٸن دەرەۋ شاحتاعا تٷستٸ. ساعات 23.00-دە اەروگازدى باقىلاۋ اپپاراتۋراسىنىڭ كٶرسەتكٸشتەرٸنە سەيكەس شاحتانىڭ تاۋ-كەن قازبالارىنداعى گاز جاعدايى قالىپقا كەلدٸ. اۆارييالىق-قۇتقارۋ قىزمەتٸنٸڭ بٶلٸمشەسٸ ۇڭعىما تٷبٸندەگٸ تاۋ-كەن ماسساسىن تازالاۋدا. زارداپ شەككەن بٸر ادامدى ٸزدەستٸرۋ جۇمىستارى جالعاستىرىلۋدا. ٸزدەستٸرۋ جۇمىستارىنا شاحتانىڭ 17 قىزمەتكەرٸ مەن اۆارييالىق-قۇتقارۋ قىزمەتٸنٸڭ ەكٸ بٶلٸمشەسٸ (16 ادام) جۇمىلدىرىلدى.
اتالعان اپاتتى تەكسەرۋ ٷشٸن قر تجم ٶنەركەسٸپتٸك قاۋٸپسٸزدٸك كوميتەتٸنٸڭ قاراعاندى وبلىسى بويىنشا دەپارتامەنتٸنٸڭ جانىندا كوميسسييا قۇرىلدى.
