Eger "ArselorMittal Temirtaý" ziian qaldyqtardy shyǵarýdy azaitý jónindegi talaptardy oryndamasa, kelesi jyly ekologiialyq ruqsatsyz qalýy múmkin. Bul týraly OKQ brifinginde ekologiia, geologiia jáne tabiǵi resýrstar ministri málimdedi, - dep habarlaidy Tengrinews.kz agenttigi "Habar 24" telearnasyna silteme jasap.
Biyl kásiporynda ónerkásip qaýipsizdigi erejelerin buzýdyń eki myńnan asa jaǵdaiy anyqtalǵan.
"Qysqasha aitqanda, búgin "ArselorMittal Temirtaý" aldyna naqty sharttar qoidyq: lastaýshy zattar shyǵyndysyn azaitý jónindegi talaptarymyz oryndalmaǵan jaǵdaida, kompaniia kelesi jylǵa ekologiialyq ruqsatsyz qalýy múmkin", - dedi Qazaqstannyń ekologiia, geologiia jáne tabiǵi resýrstar ministri Serikqali Brekeshev.
Arna málimetinshe, byltyr "ArselorMittal Temirtaýda" barlyǵy 32 tekserý júrgizilgen. Onyń qorytyndysy boiynsha jalpy somasy 19 million teńge bolatyn 24 ákimshilik aiyppul salynǵan eken. Sonymen qatar, mamandar sotqa 34 qaýipti óndiristik nysandar men tehnikalyq qurylǵylardy paidalanýdy toqtata turý týraly talap-aryz jibergen, bul jumysshylardyń ómiri men densaýlyǵyna qaýip tóndirýi múmkin.
