Ekologiia, geologiia jáne tabiǵi resýrstar ministri Maǵzum Myrzaǵalievtiń halyq aldyndaǵy esep berý kezdesýi onlain formatta ótip jatyr, dep habarlaidy "Ult aqparat".
Áýeli ministr 2020 jyl men biylǵy 5 aida atqarylǵan jumystary týraly baiandama oqydy. Sol biandamada «ArselorMittal Temirtaý» kompaniiasymen jasalǵan kelisimderge bólek toqtaldy.
«Qaraǵandy oblysynda qol qoiylǵan memorandým boiynsha bizdiń ministrlik pen «ArselorMittal Temirtaý» AQ arasynda kelisim jasaldy. Kompaniia 2025 jylǵa deiin atmosferalyq aýaǵa tastalatyn shyǵaryndylardyń kólemin 30 paiyz azaitýǵa mindet alyp otyr. Sonymen qatar, temirtaý qalasynyń ainalasyna 500 myń túp aǵash egiledi. 30 paiyz degen aqyrǵy shek emes ekenin aitqym keledi. Biz qazir «ArselorMittal Temirtaý» kompaniiasymen shyǵaryndylar kólemin 10 jyldyń ishinde 50 paiyzǵa deiin azaitý týraly kelissózder júrgizip jatyrmyz», - degen Maǵzum Myrzaǵaliev Almatydaǵy jylý-elektr ortalyqtarynyń jaǵdaiyn sóz etti.
«Qalalardaǵy atomsferalyq aýanyń lastanýyn tejeý úshin ministrlik pen qoǵamdyq uiym ókilderi arqasynda birqatar kompaniiamen qorshaǵan ortaǵa ziiandy shyǵaryndylardyń kólemin azaitýy týraly kelisimderge qol jetkizdi. Almaty qalasy boiynsha №2 jylý-elektr ortalyǵy boiynsha sheshim qabyldandy. Al №3 jylý-elektr ortalyǵyn gazǵa aýystyrý boiynsha tehnikalyq-ekonomikalyq negizdeme jasaý bastaldy», - dedi ministr el aldyndaǵy eseptik kezdesýinde.
