ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆتٸڭ حالىق الدىنداعى ەسەپ بەرۋ كەزدەسۋٸ ونلاين فورماتتا ٶتٸپ جاتىر, دەپ حابارلايدى "ۇلت اقپارات".
ەۋەلٸ مينيستر 2020 جىل مەن بيىلعى 5 ايدا اتقارىلعان جۇمىستارى تۋرالى بايانداما وقىدى. سول بياندامادا «ارسەلورميتتال تەمٸرتاۋ» كومپانيياسىمەن جاسالعان كەلٸسٸمدەرگە بٶلەك توقتالدى.
«قاراعاندى وبلىسىندا قول قويىلعان مەموراندۋم بويىنشا بٸزدٸڭ مينيسترلٸك پەن «ارسەلورميتتال تەمٸرتاۋ» اق اراسىندا كەلٸسٸم جاسالدى. كومپانييا 2025 جىلعا دەيٸن اتموسفەرالىق اۋاعا تاستالاتىن شىعارىندىلاردىڭ كٶلەمٸن 30 پايىز ازايتۋعا مٸندەت الىپ وتىر. سونىمەن قاتار, تەمٸرتاۋ قالاسىنىڭ اينالاسىنا 500 مىڭ تٷپ اعاش ەگٸلەدٸ. 30 پايىز دەگەن اقىرعى شەك ەمەس ەكەنٸن ايتقىم كەلەدٸ. بٸز قازٸر «ارسەلورميتتال تەمٸرتاۋ» كومپانيياسىمەن شىعارىندىلار كٶلەمٸن 10 جىلدىڭ ٸشٸندە 50 پايىزعا دەيٸن ازايتۋ تۋرالى كەلٸسسٶزدەر جٷرگٸزٸپ جاتىرمىز», - دەگەن ماعزۇم مىرزاعاليەۆ الماتىداعى جىلۋ-ەلەكتر ورتالىقتارىنىڭ جاعدايىن سٶز ەتتٸ.
«قالالارداعى اتومسفەرالىق اۋانىڭ لاستانۋىن تەجەۋ ٷشٸن مينيسترلٸك پەن قوعامدىق ۇيىم ٶكٸلدەرٸ ارقاسىندا بٸرقاتار كومپانييامەن قورشاعان ورتاعا زيياندى شىعارىندىلاردىڭ كٶلەمٸن ازايتۋى تۋرالى كەلٸسٸمدەرگە قول جەتكٸزدٸ. الماتى قالاسى بويىنشا №2 جىلۋ-ەلەكتر ورتالىعى بويىنشا شەشٸم قابىلداندى. ال №3 جىلۋ-ەلەكتر ورتالىعىن گازعا اۋىستىرۋ بويىنشا تەحنيكالىق-ەكونوميكالىق نەگٸزدەمە جاساۋ باستالدى», - دەدٸ مينيستر ەل الدىنداعى ەسەپتٸك كەزدەسۋٸندە.
