Foto: Sputnik
"Arselor Mittal Temirtaý" kásipornynyń aýmaǵynda merdiger uiymnyń 27 jastaǵy jumysshysy mert boldy, dep jazady Sputnik Qazaqstan.
"Jóndeý jumystaryn júrgizý kezinde birneshe jerde uzartqysh symdaǵy tuiyqtalýdyń saldarynan B. esimdi azamatty toq soqty", - dep habarlady "Martenstroi" JShS merdigerlik uiymynyń basshylyǵy.
Qaiǵyly oqiǵa №2 tsehta bolǵan. 27 jastaǵy er adam alǵashqy kómek kórsetý kezinde esin jimastan kóz jumǵan. Tergeý júrip jatyr. Sebebi anyqtalady.
"Arselor Mittal Temirtaý" AQ merdiger uiymy qyzmetkeriniń qaitys bolý faktisi boiynsha Qylmystyq kodekstiń "eńbekti qorǵaý qaǵidalaryn buzý" baby boiynsha is tirkeldi.
BAQ-ta jariialanǵan aqparatqa sáikes, marqumnyń ólimine shatyrdan kelgen sý sebep bolǵan. Bul aqparat jumysshynyń áriptesteriniń aitýymen jariialanǵan. Olardyń sózinshe, tsehta sý basseinderi bolmasa, jas jigit aman qalar edi.
"LPTs-2 aýmaǵynda bolǵan oqiǵa boiynsha "Martenstroi" JShS qyzmetkerimen tiisti memlekettik organdar tergeýdi aiaqtaǵan soń mán-jaiy men sebebin habarlaimyz", - dep jaýap berdi "Arselor Mittal Temirtaýdyń" baspasóz qyzmeti.
Qazir bas prokýratýranyń baqylaýymen kompaniia qyzmeti boiynsha keshendi tekserý júrgizilip jatyr.
Prezident Qasym-Jomart Toqaev buǵan deiin "Arselor Mittal Temirtaýda" adam ólimi jii bolatyn aitqan edi. 2006 jyldan bastap kásiporynda 20-dan astam apat bolyp, 100-den astam jumysshy kóz jumdy. 2022 jyly kásiporynda 14 adam qaza tapty.
