فوتو: Sputnik
"ارسەلور ميتتال تەمٸرتاۋ" كەسٸپورنىنىڭ اۋماعىندا مەردٸگەر ۇيىمنىڭ 27 جاستاعى جۇمىسشىسى مەرت بولدى, دەپ جازادى Sputnik قازاقستان.
"جٶندەۋ جۇمىستارىن جٷرگٸزۋ كەزٸندە بٸرنەشە جەردە ۇزارتقىش سىمداعى تۇيىقتالۋدىڭ سالدارىنان ب. ەسٸمدٸ ازاماتتى توق سوقتى", - دەپ حابارلادى "مارتەنستروي" جشس مەردٸگەرلٸك ۇيىمىنىڭ باسشىلىعى.
قايعىلى وقيعا №2 تسەحتا بولعان. 27 جاستاعى ەر ادام العاشقى كٶمەك كٶرسەتۋ كەزٸندە ەسٸن جيماستان كٶز جۇمعان. تەرگەۋ جٷرٸپ جاتىر. سەبەبٸ انىقتالادى.
"ارسەلور ميتتال تەمٸرتاۋ" اق مەردٸگەر ۇيىمى قىزمەتكەرٸنٸڭ قايتىس بولۋ فاكتٸسٸ بويىنشا قىلمىستىق كودەكستٸڭ "ەڭبەكتٸ قورعاۋ قاعيدالارىن بۇزۋ" بابى بويىنشا ٸس تٸركەلدٸ.
باق-تا جارييالانعان اقپاراتقا سەيكەس, مارقۇمنىڭ ٶلٸمٸنە شاتىردان كەلگەن سۋ سەبەپ بولعان. بۇل اقپارات جۇمىسشىنىڭ ەرٸپتەستەرٸنٸڭ ايتۋىمەن جارييالانعان. ولاردىڭ سٶزٸنشە, تسەحتا سۋ باسسەيندەرٸ بولماسا, جاس جٸگٸت امان قالار ەدٸ.
"لپتس-2 اۋماعىندا بولعان وقيعا بويىنشا "مارتەنستروي" جشس قىزمەتكەرٸمەن تيٸستٸ مەملەكەتتٸك ورگاندار تەرگەۋدٸ اياقتاعان سوڭ مەن-جايى مەن سەبەبٸن حابارلايمىز", - دەپ جاۋاپ بەردٸ "ارسەلور ميتتال تەمٸرتاۋدىڭ" باسپاسٶز قىزمەتٸ.
قازٸر باس پروكۋراتۋرانىڭ باقىلاۋىمەن كومپانييا قىزمەتٸ بويىنشا كەشەندٸ تەكسەرۋ جٷرگٸزٸلٸپ جاتىر.
پرەزيدەنت قاسىم-جومارت توقاەۆ بۇعان دەيٸن "ارسەلور ميتتال تەمٸرتاۋدا" ادام ٶلٸمٸ جيٸ بولاتىن ايتقان ەدٸ. 2006 جىلدان باستاپ كەسٸپورىندا 20-دان استام اپات بولىپ, 100-دەن استام جۇمىسشى كٶز جۇمدى. 2022 جىلى كەسٸپورىندا 14 ادام قازا تاپتى.
