Bilim jáne ǵylym ministri Ashat Aimaǵambetov Úkimet otyrysynda erekshe balalardy damytý baǵytyndaǵy jumystar týraly aqparat berdi, dep habarlaidy QazAqparat.
«Erekshe bilim berýdi qajet etetin balalar úshin inkliýzivti bilim berý tetikterin damytý óte mańyzdy. Balalardyń sapaly bilimdi alý quqyǵyn qamtamasyz etý úshin arnaiy pedagogterdi daiyndaýǵa arnalǵan grant sanyn sońǵy jylda 2 ese kóbeittik. Erekshe balalardyń kolledjderde mamandyq alýyn qamtamasyz etý úshin qabyldaý erejelerine ózgerister engizildi. Mektepterdiń osy erekshe balalarǵa qajetti jaǵdai jasap, olardy mektepke qabyldanýyn yntalandyrý úshin jan basyna qarjylandyrý ádistemesinde 2 ese aranaiy koefitsent qarastyryldy», - dedi vedomstvo basshysy.
Ministr kópten beri kóterilip júrgen mektepterge pedagog-assistent mamandyǵyn engizý máselesi de sheshimin tapqanyn eske saldy.
«Mektepterde pedagog-assistent arnaiy shtatyn engizdik. Endi olar osy erekshe balalarǵa qoldaý kórsetip, birge jumys isteidi. Ákimdikter osy PMPK (psihologiia-meditsina-pedagogikalyq komissiia ) jelisin jetildirý boiynsha jumys isteýin suraimyn. Óitkeni Túrkistan, Almaty, Aqtóbe, Atyraý oblystarynda bul problema áli de ózekti. Eger osy balalardyń aýytqýlaryn erte jastan anyqtamai, túzetý jumystaryn júrgizbesek, árine, bul balalarǵa óte qiyn bolady», - dedi ministr.
