Ulttyq qaýipsizdik komiteti ishki ister ministrligimen birlesip asa qaýipti transulttyq uiymdasqan qylmystyq topty ustady, dep habarlaidy UQK saity.
11 aqpanda Aqtóbede júrgizilgen arnaiy operatsiiaǵa "A" arnaiy maqsattaǵy qyzmet te tartyldy.
"Tekserý barysynda 2020 jyly qazan-qarashada qaskóiler Aqtóbege Qazaqstan men Belarýs kásipkerlerin aldap shaqyryp, psihologiialyq jáne kúshpen qysym kórsetý arqyly biznesmenderdiń 87 million teńgesin iemdengeni anyqtaldy", - delingen habarlamada.
Al 2021 jyly aqpanda kúdiktiler Aqtóbege Máskeýde turatyn biznesmendi – iri investitsiialyq kompaniianyń basshysyn shaqyryp, osyǵan uqsas jolmen 500 myń dollar alýdy josparlaǵan.
UQK aqparatynsha, arnaiy operatsiia kezinde bes adam ustaldy. Top jetekshisi – Qazaqstan azamaty, qalǵan tórteýi – Resei azamattary.
Tintý barysynda qylmystyq toptan 3 Kalashnikov avtomaty, elektrshokerler, betperdeler, bank kartalary, uialy telefondar men qylmys jasaýdyń basqa da quraldary tabylyp, tárkilendi.
Transulttyq qylmystyq top múshelerine qatysty qamaýda ustaý túrindegi bultartpaý sharasy qoldanyldy.
Qazaqstan Qylmystyq kodeksiniń 264-baby boiynsha qylmystyq is qozǵaldy.
