IIM Aqmola oblysynyń kásipkerlerinen aqsha bopsalaǵan UQT qyzmetiniń jolyn kesti, - dep habarlaidy Polisia.kz.
IIM uiymdasqan qylmysqa qarsy kúres departamenti bólimsheleriniń qyzmetkerleri Aqmola oblysyndaǵy arnaiy operatsiia nátijesinde jergilikti kásipkerlerden aqsha bopsalaǵan qylmystyq toptyń 6 múshesin ustady. Top músheleriniń jasy 26-dan 32 jasqa deiin.
Ustalǵandardyń qoqan-loqy kórsetip, kúsh qoldaný arqyly jergilikti kásipkerlerdiń birinen 2,5 million teńge bopsalap, onyń Subaru Outback avtokóligin tartyp alǵany anyqtaldy. Búginde ustalǵandardyń oblys aýmaǵynda birqatar uqsas qylmysqa qatysy bar ekeni anyqtalǵan.
Jedel aqparat boiynsha, buryn birneshe ret qylmystyq jaýapkershilikke tartylǵan kúdiktiler "urylar ideologiiasyn" ustanyp, ony jastar arasynda nasihattaǵan. Sondai-aq, top músheleri qarý qoldanyp, aqsha bopsalaǵan. Olar talap qoiý úshin jalǵan syltaýlardy qoldanǵan.
Tintý barysynda olardan jábirlenýshilerdi qorqytý úshin qoldanylǵan esirtki, sýyq jáne atys qarýy tárkilendi.
Osy derekter boiynsha QR Qylmystyq kodekstiń 194-baby 2-bóligi "Bopsalaý" boiynsha sotaldy tergeý júrgizilip jatyr. Kúdiktiler qamaýǵa alyndy. Tergeý jalǵasyp jatyr.
