Foto: Polisia.kz
ShQO-da kriminalitet ókilin ustaý boiynsha arnaiy operatsiia júrgizildi, – dep habarlaidy "Ult aqparat" Polisia.kz portalyna silteme jasap.
Ustalǵan kúdikti men oblys ortalyǵynyń turǵyny Óskemen qalasynyń kásipkerin bopsalaǵan.
PD uiymdasqan qylmysqa qarsy kúres basqarmasy Shyǵys Qazaqstan oblysy boiynsha UQKD-men birlesip, Almaty qalasynyń 57 jastaǵy turǵyny óziniń qylmystyq nietimen oblys ortalyǵyna kelip, jergilikti turǵynmen sóz bailasyp, jábirlenýshige jáne otbasyna kúsh qoldanamyn dep qorqytyp, oǵan tiesili jer telimin óz paidasyna qaita resimdeýge májbúrlegenin anyqtaǵan.
– Qazirgi ýaqytta kúdiktilerdiń ekeýi de ustaldy, olardyń biri ýaqytsha ustaý izoliatoryna qamaldy. Onyń turǵylyqty mekenjaiyn tintý barysynda tiisti zańdy qujattar tárkilendi. Ekinshisine qatysty bultartpaý sharasyn tańdaý máselesi sheshilip jatyr. Atalǵan fakti boiynsha QR QK-niń 194-baby 2-bóligi (Bopsalaý) boiynsha sotqa deiingi tergeý júrgizilip jatyr, – dep atap ótti ShQO PD bastyǵy Erlan Omarbekov.
Ári qaraiǵy tergeý áreketteri jalǵasyp jatyr.
