Atyraýlyq politseiler arnaiy operatsiia barysynda 812 keli bekire balyǵyn tárkiledi, dep habarlaidy "Ult aqparat".
«Bekire-2021» keń aýqymdy aktsiiasy sheńberinde 15 sáýirde Atyraý oblysy Politsiia departamentiniń qyzmetkerleri Atyraý qalasynyń Kókarna aýylyndaǵy saiajailardyń birinde azamat S-ǵa tiesili jalpy salmaǵy 812 keli 247 dana bekire balyǵyn zańsyz saqtaý deregin anyqtady. Sotqa deiingi tergeý aiasynda tárkilengen balyq «Jaiyq-Atyraý» bekire balyǵyn ósirý zaýytyna tapsyryldy», - dep habarlady Ekologiia, geologiia jáne tabiǵi resýrstar ministrliginiń baspasóz qyzmetinen.
Jinaqtalǵan materialdar QR Qylmystyq kodeksiniń 339-babymen (Ósimdikterdiń nemese janýarlardyń sirek kezdesetin jáne quryp ketý qaýpi bar, sondai-aq paidalanýǵa tyiym salynǵan túrlerin, olardyń bólikterin nemese derivattaryn zańsyz paidalaný) qylmystyq is qozǵaý úshin tergeý organdaryna joldandy.
